MA in English ke career options by Vicky Shetty

Amitabh bachchanji ne ek dialogue kaha tha “I can talk English, I can walk English , I can laugh English because English is a very funny language”

Agar aapko lagta hai ki aap bhi English language me bahut acche hai aur usme improve karke career bana sakte ho toh aap kar sakte ho MA in English. Post graduate level par English literature ka ye course karne par aapke paas bahut saare options hai career me. Aap apne MA in English ki degree ko kaafi tarah ke career ki oor lekar jaa sakte hai. MA in English ke graduate ko English language ki acchi knowledge aur understanding mil jaati hai. Toh aaiye dekhte hai kon kon se career options hai mainly MA in English karne ke baad

Teacher:
Aap high schools aur colleges mein as a teacher kaam kar sakte ho. Usme aap students ko creative writing in English aur English literature sikha sakte ho.


Journalist: Aap journalist ban sakte hai. Journalists ke liye bahut saare opportunities hote hai. Journalism ek challenging field ban chuka hai. Aap apni kalam ki taakat ko journalism me use kar sakte hai.

Editor: Newspapers, magazines, publishing companies, aur kaafi businesses mein Editors ki zarurat rehti hai. Editors ko writers ne jo likha hai use scrutinize karna hota hai, publication ke liye content develop karna hota hai. Wo ek production team ke saath kaam karte hai.

Writer: Writers ke liye bahut si industries hai jaise publishing, technology, advertising, business, media. Writers ko alag alag profiles ke liye lia jaa sakta hai jaise magzines me artlicles likhne ke liye, websit ki copy likhne ke liye, technical manuals, company newsletters etc. Writers freelancing bhi kar sakte hai.

Advertising: Advertising ka importance aaj ke yug me kaafi zyaada hai. Agar aap aisi writing kar sakte hai jisse product ke jo features hai wo consumer ko acche se interesting tareeke se bataa sako toh Advertising ke field me aap career bana sakte ho. Ad films ke liye scripts bhi likh sakte ho agar aap usme acche ho to.

Instructional designing: Instructional designing field me aap instuctional information likhoge jaise technology companies ke liye instructional information, safety warnings ya phir kisi bhi cheez ko kaise use karte hai uske instructions.

Linguistics: Aap linguistics mein apna career bana sakte ho. Isme aap English language ki scientific study karoge aur unko analyze karoge jaise grammar, syntax aur phonetics. Isme bahut saare branches hai. Is industry mein aap as a professor, translator, forensic linguist, lexicographer etc. ban sakte ho

To mitron ye the kuch career options MA in English ke graduates ke liye. Aapke man mein koi bhi sawaal ho to bas subscribe karke niche comments box me likh dijiye. Video pasand aya to like aur share zarur kijiye. Aur agar aapne ab tak is channel ko subscribe nahi kia hai to niche subsribe button daba kar lijiye aur bell icon bhi press kariye notifications ke liye acchi career guidance ke liye. Dhanyawaad

Add a Comment

Your email address will not be published. Required fields are marked *