Lead generation specialist karte kya hai? Lead generation specialist job profile explained in Hindi

Doston maine apne trending career for 2020 ke video mein ek job profile Lead generation specialist bhi mention kiya tha. Ji haan wo bhi tha us list mein. To aaj is video mein mai aapko bataunga ki Lead generation specialist aakhir karte kya hai, kya skills hone chahiye lead generation specialist banne ke liye aur kya educational qualification hona chahiye. To ye sab batunga aapko Taaki aap logon ko ek idea aa jaye is baare mein. Par usse pehle

Doston lead generation specialist ka kaam simple nahi hota. Lead generation business ke liye kaafi important hai sales ko increase karne ke liye. Jitni acchi lead ki quality utna hi zyaada conversion rate hone ke chances hai. Lead generation specialist ke profile mein marketing aur sales ka mishran hai. Online lead generation mein social media aur email marketing jaise techniques ka istamaal hota hai.

Is profile mein apko kaafi motivated rehna hoga. Kyunki lead generate karne ke liye kaafi patience chahiye hota hai. Customer alag alag tarah ke hote hai. To aapko ise samajhna hoga aur nirash nahi hona chahiye aapko agar leads zyaada generate nahi ho paa rahe hai to. Rejection ko handle karna bhi aana chahiye aapko. Shant dimag se kaam karna hoga. Aur confident aur clear rahiye.

Unke responsibilities ki baat karte hai ab. Aiye kuch responsibilities aapko bata deta hu jo Lead generation specialist ke hote hai normally:

Wo new business develop karte hai telephone aur mass communication ke zariye jaise email, social media. To aapko leads generate karne ke liye alag alag medium ka use karna pad sakta hai jaise calls karke, email ke zariye, social media ke zariye jaise facebook, linkedIn etc.
Wo leads ke saath follow up kate hai aur potential prospects ko identify karne ke liye research conduct karte hai
Unko needs analysis conduct karna pad sakta hai. Prospects ke jo pain points hai unka pata lagana padta hai. Aap customers ke needs ke anusaar kaise company ke product ko pesh karoge wo dekhna hoga.
Quarterly revenue goals consistently meet hone chahiye sales pipeline ko grow karke.
Sales ke Head ya VP ke saath milke kaam karna ho sakta hai.
Naye clients aur prospective clients ke data ko manage karna hoga CRM mein. Clients ke saath jo communications hote hai unko log karna hoga usme.
Sales pipeline reports aur dashboards ko prepare aur analyze karna pad sakta hai

Skills jo chahiye hoti hai Lead generation specialist banne ke liye uske baat karte hai ab:
Dekhiye waise to company par depend karega ki wo inme se kaun kaun se skills chahte hai candidate mein. Lekin mai aapko kaafi skills bata deta hu.

Market Research
Email Marketing
Customer Relationship Management
Business Development
Digital Marketing
Written aur verbal communication skills acchi honi chahiye
MS Office products jo ki Excel, Word, Powerpoint thik use karne aana chahiye

Waise to lead generation specialist ki requirement kaafi Industries mein hoti hai par top industries jahan par lead generation speacialist ki requirement ho sakti hai wo hai:
Outsourcing
Marketing
Advertising
Information Technology & Services
software
Internet

Education ki baat agar karen to kaafi companies graduates ko leti hai. To graduation kisi bhi stream se aapne kiya ho to chalega. Lekin kuch companies ho sakta hai MBA’s ko le. To aap aur growth ke liye acche reputed college se MBA kar sakte ho.

To doston aapne is video mein jaana ki Lead generation specialist ka kya job profile hota hai aur kya skill chahiye aapko Lead generation specialist banne ke liye. To video acchi lagi to like kijiye aur share karen sabke saath. Mai milunga aapko next video mein jald hi. Dhanyawaad.

Add a Comment

Your email address will not be published. Required fields are marked *