IT layoffs 2017. Layoffs se kaise bache?

Pichle kuch dino me aapne news me dekha hoga ki kuch IT companies jaise Cognizant, Wipro, Infosys hazaaro employees ko layoff karne ki firak me hai. ab ye news kitni sach hai aur kitni jhoot ye kehna to mushkil hai filhal. Par Isme managers jinka experience 10-15 saal hai unki job khatre me ho sakti hai jo actual me koi coding ya testing nahi kar rahe aur bas manage kar rahe hai.

IT industry me 7-10 saal experience hone ke baad employees ko management function me move kia jaata hai jaha wah jyaadatar excel me ya phir koi inhouse tools par kaam karte hai aur coding karne wali team ko manage karte hai. Employees ko khushi hoti hai ki wah managers ban gaye hai aur apne career me tarraki kar rahe hai. Par bahut se managers sirf excel par kaam karte hai aur apne team ko baate sunate hai. Inki business value is wajah se utni reh nahi jaati aur upar se ye acchi khaasi salary bhi le jaate hai. Jab companies ko koi problem aati hai ya nikaalne ki baari aati hai to aise managers ko pehle nikaalne ki sochi jaate hai jo jyada productive nahi reh gaye. Ab problem ye hai ki bahut se managers yah sochte hai ki ab wah career me aage nikal gaye hai aur unhe ab coding ya testing karne ki koi zarurat nahi hai. Kaafi saalo se unhone koi code nahi likha hota hai. Aur upar se unhe leaders aur managers kahke sir par chadakar rakha jaata hai. Ab achanak se unhe coding ya testing karni padi to wah kya karenge?


Unke upar kaafi personal zimmedari bhi hoti hai jaise home loan ki emi, biwi bachon ka kharch. Ab iska upaay kuch hai? Ji zarur hai. Aaj mai aapko iske kuch upaay batana chaahunga taaki aap layoff jaise durbhagya ka datt kar saamna kare.

1. Wapas se apne skills brush up kar lijiye. Coding aur testing ke kaam mangiye taaki aur practice kar sako.
2. New technologies sikhiye khud ke paiso se. Layoff ke samay agar aapko new technologies aati hai acchi tarah to aapko jyaada se jyaada companies recruit karna chahengi. Youtube videos dekhkar bhi coding seekh sakte hai ab to.
3.Manger hone ka ego chod dijiye. Western desho me 50 saal ka aadmi bhi coding karta hai aur hamare yahan to manager bane nahi ki khud ko baadshah samajne lagte hai kuch log.
4. Apne man me ye baat baitha lijiye ki agar aapko IT industry me tikna hai to coding aur testing karni hogi.
5. Dusre companies me apply kariye technical job ke liye.
6. Agar aap coding aur testing nahi karna chahte hai to aise sector me jobs talaashiye jahan par managerial skills ki jyaada zarurat hai. jaise public sector me.
6. Apne family aur friends se discuss kariye is baare me. Jyaada networking hogi to jyaada chances hai jaldi job milne ke.
7. Apne financial situation ko thoda analyse kar lijiye. Dekhiye ki fizul kharch kam ho aur aage ke dino ke liye aapke paas accha paisa jama kia hua ho taaki agar kuch mahine bina job ke bhi rehna pade to pareshani na ho.

To ye cheeze aap zarur kijiye aur career me aage badhiye.

CODE Hindi par career se related saari cheezon par ham baat karte hai. Koi bhi sawaal ho aapke man me to niche comments me zarur likhiye aur CODE Hindi ko subscribe kar lijiye aage aane wale useful videos ki notifications ke liye.

Add a Comment

Your email address will not be published. Required fields are marked *