Kya Employer’s share PF aapke CTC mein included hota hai?

Namaskar doston mai hu Vicky aur haal kaisa hai aapka? Doston kaafi saare logo ko Provident Fund ko lekar bahut saare doubts hote hai. Aur unme se ek yah doubt hota hai ki kya PF ka jo Employer’s share hai wo CTC mein included hota hai ya nahi. Kaafi log to apne in hand salary ko dekh kar chauk jaate hai. Khaas karke freshers. Jitna socha tha usse kaaf kam paisa salary ke roop mein account mein jama hota hai.

To yah doubt aaj mai is video mein clear karne wala hun. Aapse guzarish hai ki please aap is video ko end tak dekhiye taaki aapke saare doubts clear ho jaye. Aur is channel ko agar aapne subscribe karke bell icon press nahi kia hai to kar lijiye kunki is par ham career se judi saari jankari aapke liye laate hai.

Jab account mein in hand salary jitna socha tha use kam jama hoti hai Tab ya doubt man mein uthta hai ki yah itne zyaada paise kaise kat rahe hai. Doston shayad aapko pata nahi hai lekin apke CTC mein se employer share bhi kat raha hai. Yah normally saari companies karti hai. Lekin salary slip mein sirf ek PF dikhta hai.

Jab aapko offer letter milta hai to usme PF amount ek hi baar mention rehta hai. Normally yah Employer Provident Fund ke naam se mentioned hoga. Aur kaafi log inhand calculte karte waqt ise ek hi baar kaat ke calculate karte hai. Yahin par wah galti karte hai apni calculation mein aur phir jab salary aati hai to chaunk jaate hai. PF amount mention bhale hi ek baar kia ho aapke offer letter mein. Lekin aapke salary mein se yah amount katega do baar. Kyu? Kyuki PF ke do share hote hai employee share matlab aapka hissa aur employer share matlab aapki company ka hissa. Lekin company ise aapke CTC mein include kar deti hai. To unka share aur aapka share dono katta hai isliye aapka inhand aapke calculation ke hisaab se kaafi kam aata hai. Aaiye ise mai aapko ek example zariye batata hu. Taaki aapko samajhne mein aasaani ho.

Suppose aapki Monthly salary hai Rs.20000 usme se suppose aapki PF amount hai 2000. To aapka jo in hand ayega use caculate karne ke liye aapko 20000 mein se 4000 deduct karne honge. Matlab 20000 – 2000 – 2000. Ji han 2000 aapka share aur 2000 aapke employer ka share. To aapka inhand ayega Rs. 16000. Lekin bahut se log offer lete waqt ise sirf ek baare cut karte hai matlab ki 20000-2000. To unhe lagta hai unka inhand ayega 18000.

Kai log Job milne ke samay jab HR se baat hoti hai salary negotation ki to inhand calculate karte waqt yah PF ke amount ko ek hi baar kaat ke amount nikalte hai jisse unko lagta hai ki unko inhand salary zyaada mil raha hai.

Ab aap soch rahe honge ki arre bhai ye to galat hai employer share to employer bhar raha hai hamare liye to ise wo CTC mein kyun jod raha hai. Aapki baat sahi hai lekin employer ke liye yah bhi CTC ka hissa hai kyunki CTC ka matlab hai Cost to Company. To yah paisa bhi company hi de rahi hai aapko, isliye wo CTC mein ise include karte hai. Lekin offer letter dete samay HR ko candidates ko yah explain zarur karna chahiye ki PF do baar katega is CTC mein se employer share aur employee share aur uske baad jo inhand amount ayega wah calculate karke batana chahiye candidate ko. Taaki salary jab account mein aatye to us samay use jhatka na lage.

To doston umeed hai aapko ab clear ho gaya hoga PF ke is doubt ke baare mein. PF ke aur bhi kaafi doubts mein aane wale videos mein clear karunga. Is video ko sab hi saath share kare, like kare. Subscribe zarur kijiye is channel ko career se judi saari jankari ke liye. Milenge next video mein jald hi. Dhanyawaad.

Add a Comment

Your email address will not be published. Required fields are marked *