Job Search ki kuch advice | Job kaise search kare?

Graduation ya Post graduation ke baad almost sabhi students apni job search shuru kar dete hai. Aaiye aaj aapko mai kuch tips batata hu jisse aapko job search karne mein aasaani hogi. Is video ke aur parts bhi banaunga mein aage aur tips ke saath.

1. Apne interest ka field chuniye
Sabse pehle to aap thoda sochiye ki aap kis field mein career banana chahte ho. Agar aap bahut confused ho toh kuch fields chuniye aur unme apna job search shuru kijiye.

2. Apni pasand ki job profile ki job description padhiye
Aapki requirement ke hisaab se aapko jo profile chahiye aap chahiye uske requirements ke baare mein research kariye. Ye jaankari aapko job search websites jaise naukri.com, timesjobs.com par mil jayegi. Isme Companies ko jo skills candidates mein chahiye hoti hai wo likhi hoti hai. Toh agar wo skills aapke paas hai toh acchi baat hai aur agar nahi hai toh ho sake toh seekhiye use agar aapke paas time hai toh. Jaise for example aapko Web developer ki job chahiye to job search wali website par jaakar web developer search kijiye. Ispar aapko us job ke liye jo requirement companies ne rakhi hai wo dikhengi. Un requirements ko padhiye ki kya kya cheezein yah companies maang rahi hai skill set mein. Toh thoda use practice kijiye. Detail mein agar nahi bhi aata hai aapko to atleast uski basic knowledge to le lijiye agar wah aapke job mein zaruri hai toh.


3. Companies ki websites ko thoda padhiye
Jis bhi company mein aap apply karna chahte ho us company ke baare mein jaankari aapko company ke website aur internet par mil jayegi. Company ke website par aapko careers section mein new vacancies ki list bhi dikhegi. Dekhiye ki kaunsi job aapke liye suitable hai.

4. Resume proper banaiye
Resume me freshers kai baar kuch galtiyaan kar dete hai. Dekhiye kisi ke paas itna time to hota nahi ki woh aapke resume mein sab kuch padhe. Resume mein agar aap unwanted cheezein likhenge toh interviewer ka dhyaan main points par nahi jaa payega. Isliye resume mein jo bhi important hai wo likhiye. Resume kaise banana hai ispar mai ek video raha hu jald. Agar aapne bell icon press kia hoga toh upload hote hi aapko uska notification aa jayega

5. Interview ki preparation kijiye
Kaafi baar freshers interview ke liye prepare hokar nahi jaate hai. Iske kuch reasons ho sakte hai jaise ki unhe pata nahi ho ki kya prepare karke jaana hai. Ya phir wo lazy ho. Interview mein acche se bolne ke liye aap sabse pehle to apni communication skills acchi kijiye practice karke. Jo bhi aap bolna chahte ho interview mein wo interviewer ko clearly samaj aa jaani chahiye. Interviews par kuch videos maine banai hui hai. Links niche description mein de dia hai maine.

To mitro video acchi lagi to like karo aur share zarur karna sabke saath. Aur subscribe kar liya na?

Leave a Reply