ITI Courses की जानकारी


Namaskar Mitro mai hu Vicky. Mitron aaj mai aapko aise kuch courses ke baare me bataaunga jiske baare me kaafi students ko shayad pata nahi hai. Mitron Industrial training institutes post-secondary schools hote hai jo Directorate General of Employment & Training (DGET) ke tahat gathit kiye gaye hai Union government dwaara alag alag trades me training pradaan karne ke liye.

Ye un students ke liye banaye gaye the jo paramparik higher studies ke badle alag alag trades me technical knowledge paana chahte hai. Isme unko practical skills mein training pradaan ki jaati hai jo industry mein alag alag tarah ke technical jobs jaise Lathe operator, fitter, electrician, Mechanic, plumber ityaadi mein kaam aati hai.

Training ki period 6 months se lekar 2 years tak ki hai aur isme 130 se bhi zyaada specialties ya trades hai. Har trade ki eligibility alag hai par inhe minimum 8th se 12th class pass students kar sakte hai. Matlab kuch courses ke liye 8th pass chal jayega aur kuch ke liye 10th ya 12th pass ki zarurat padegi. Successful candidates ko National Trade Certificate (NTC) di jaati hai.


Admission:
Admission har saal August mein hota hai. Admission ki prakriya har naye session ke shuru hone se pehle shuru ho jaati hai. Kuch ITIs mein admission directly ho jaati hai aur kuch mein written examination dene padte hai. ITI ke kaafi branches hai all over India me.

ITI courses ke alag alag specialitites ko trades kaha jaata hai. Isme Engineering and Non Engineering Trades dono hote hai. Waise to bahut saare trades hai par aaiye aapko kuch trades mai bata deta hu ek general idea ke liye:
Building Maintenance
Electronics Mechanic
Excavator Operator (Mining)
Mechanic Repair & Maintenance of Two Wheeler’s
Sanitary Hardware fitter
Architectural Assistant
Carpenter
Domestic Painter
Foundry man Technician
Gold Smith
Industrial Painter
Interior Decoration and Designing
Marine Engine Fitter
Mason (Building Constructor)
Mechanic Repair & Maintenance of Heavy Vehicles
Mechanic Communication Equipment Maintenance
Mechanic Lens or Prism Grinding
Physiotherapy Technician
Plastic Processing Operator
Plumber
Welder (Gas and Electric)
Attendant Operator (Chemical Plant)
Draughtsman (Civil)
Draughtsman (Mechanical)
Electricians

Sabhi skills ki list aapko is link par mil jayegi jo maine description me bhi dia hua hai
http://nabet.qci.org.in/skill_training/documents/Norms_for_Engineering_Non_Eng_%20Annex-G5.pdf

Yah 3 institutes ITI’s se associated hai:
Directorate of employment & training ministry of labour (DGE&T)
State council of vocational training (SCVT)
National Council of Vocational training (NCVT)

ITI passouts ke liye Schemes/Courses:
Apprenticeship Training Scheme: ITI complete karne ke baad aap apprenticeship training kar sakte ho alag alag industries mein. Apprenticeship training ka objective hai students ko actual work place mein train karna. Apprenticeship training ki duration generally one year hoti hai unke liye jinhone ITI final exam dia hai. Freshers ke liye ye 3 saal tak ho sakti hai. Training ke dauraan trainees ko monthly stipend pay ki jaati hai.

Lateral Entry to Polytechnic Diploma Engineering:
Jinhone minimum 2 years ITI course National Trade Certificate ke saath pass kia hai unhe Polytechnic diploma course ke 2nd year me lateral entry ki opportunity di jaati hai. VOCLET naam ka entrance exam conduct kia jaata hai har saal iske liye JEXPO ke saath.

Aapko aur bhi zyaada jaankari ITI ke baare me mil sakti hai is website par http://www.dget.nic.in

Umeed hai mitro aapko yah jaankaari pasan aayi. Agar aapne is channel ko youtube par subscribe nahi kia hai to kar lijiye jald niche diye gaye subscribe button ko press karke aur video accha laga to like aur share zarur karen. Dhanyawaad.

Add a Comment

Your email address will not be published. Required fields are marked *