Interview crack करने के लिए यह 7 बातें ध्यान में रहे

Namaskar mitro mai hu Vicky aur haal kaisa hai aapka. Aaj mai aapko 7 aise tips bataane jaa raha hu jo aapko job interviews crack karne me bahut helpful rahenge. Par usse pehle agar aapne hamara channel subscribe karke bell icon press nahi kia hai to kar lijiye kyuki ispar aapko career se related saari jankari milti rahegi.

Toh aaiye shuru karte hai.

1. Research kariye Company, Job profile aur interview lene waale manager ke baare mein
Aapko sabse pehle apne company ki requirement ko samajhna hoga. Unhe jo chahiye wohi aapko dena hai. Isliye company website par pehle uske about section ko padhiye. Uske kuch latest publications, news bhi padhen jisse aapko abhi us company mein kya chal raha hai iska pata lagega. Jis bhi role ke liye aapne apply kia hai uski har ek requirement ko padh lijiye job profile mein. Agar aapko interview lene wale manager ka naam pata hai to ek baar linked in mein search kar le. Isse ye pata chalega ki use kis cheez mein zyaada experience hai. Us hisaab se aap apni tayaari kijiye taaki interviewer ke sawaalo ke jawaab aap acchi tarah de sake.

2. Interview ke sawaalon ko review karen
Aap Glassdoor.com jaise websites par un logo ke reviews padhiye jin logon ne is company mein pehle interview diya hai. Aapko aisi websites par kaafi companies ke review mil jayenge. Isme candidates apne interview ke experience ko share karte hai aur kuch interview ke sawaal bhi mil jayenge aapko. Inhe padhkar aapko ek accha idea mil jayega ki us company ka interview kaisa hota hai aur aapko kis tarah ki preparation karni padegi.


3. Acchi aur proper dressing karen?
Kuch companies mein smart casuals allowed hote hai par koshish karen ki har company mein formal pehen kar hi jaayen kyuki kaafi saari companies mein formal hi pehente hai interview ke waqt. Kapde aapke istri kiye hue hone chahiye. Naakhun proper kate hue. Baal thik se comb kiye hue. Jwellery aur accessories kam se kam pehene. Ho sake toh interview ke turant pehle kuchh khaiye mat.

4. Time par pahunche aur aaraam karen
Apne interview ke 15 minutes pehle aap pahunchiye. Jo bhi paper work ho use khatam kare aur settle ho jayen. Jaldi pahunchne se aap office ka environment bhi thik se dekh payenge. Aur interview ke pehle wale din apni resume ki copies, pen aur notebook bag mein rakh lijiye taaki interview ke din aapko jaldbaazi na karni pade. Office ke andar pahunchte hi apna phone silent par daal dijiye.

5. Confidence ke saath baat kijiye
Interview ke samay jo bhi sawaal aapse pooche jayenge uska jawaab agar aapko aata hai to bilkul confidence ke saath uska jawaab dijiye. Aur agar kisi sawaal ka jawaab aapko pata nahi hai to politely kahiye ki aapko nahi pata jaise “sorry I don’t know”. Kuch logon ko aadat hoti hai cheezon ko ghuma phirake kehne ki. Sawaal jo bhi ho aap uske aage peeche ki lambi kahaani sunaane mat baith jaaiye. Interviewer isse irrirate ho sakte hai. Isliye apna jawaab saral aur sawaal ke dayere tak hi rakhen. Hamesha to the point jawab dijiye.

6. Apne abhi ke Boss, Company ya Collegue ke baare mein kuch bhi bura na kahen
Bhale hi aapke boss, company ya collegue aapko pasand na ho par interview mein unki buraai bilkul bhi na kare. Yeh bhut bura impression chodta hai aapka

7. Body language yaani sharirik bhaasha par dhyan dijiye
Agar aap interesting cheezein neeras tarike se kahenge to sunne wale ko accha nahi lagega isliye jahan zarurat ho waha smile eye contact, gardan hilaana, haath hilaana ye gestures karen. Par dhyaan rahe ye naturally aana chahiye, toh iske liye iski practice aapko interview ke pehle hi kar leni chahiye. Aur body language par ek video already banai hui hai maine. Link niche description me dia hua hai.

To ye the doston kuch anmol tips interview ke. Aage aane wale interesting videos ke liye subscribe zarur karen Career Code Hindi ko. Dhanyawaad.

Leave a Reply