Internship kaise haasil karen?

Namaste mitro. Hamaare subscriber Abhi ji ke request par ye video banaai hai ki intership kaise haasil kare?

Intership hota kya hai?
students trainee ke roop me organisations me kaam karte hai kuch mahino ke liye aur uske liye unko pay kia jata hai ya aisa bhi ho sakta hai ki kuch interships me without pay kaam karna pade. Students ko work experience milta hai, actual industry me kaam kaise hota hai wo dekhne milta hai aur kuch colleges ya courses ki demand rehti hai ki internship mandatory hai to isliye bhi students internship karte hai. Students ko is work experience ko apne resume me likhna chahiye.

Internship me aapko apne skills use karke company jo kaam de rahi hai wo karna hota hai. Kaam aapke field ke hisaab se hi diya jayega.

Internship ke liye interview lekar select kia jaata hai students ko. Koshish kijiye ki internship acche company se kare.


Kuch colleges me college khud students ko bhejte hai companies me internship ke liye. Companies campus me aakar students ko interships ke liye select karte hai. Kuch colleges help karte hai students ko interships dilaane me. Agar college aapko intership nahi dila raha hai to aap khud se bhi try kar sakte hai internships lene ke liye.

Internship ka ek ye bhi benefit hai ki jahan aap internship kar rahe hai agar company ko aapka kaam bahut accha laga to chances hai ki wo aapko job bhi offer kare.

Ye to hua internship ka explanation aur benefits. Aaiye ab aapko bataata hu to ki aap intership kaise haasil kar sakte hai.

1. Sabse pehle to apne technical skillset ko pehchane
Jaise for example aap computer field se hai to aap Web development field me jaana chahte hai ya Artificial intelligence me. Agar aap Finance field me hai to aap Financial planning me jaana chahte hai ya auditing me. Jis bhi skill me aap bahut acche ho aur wo aapko accha lagta hai karna aapko wo select karna chahiye. Jaise agar aap HTML, CSS, JavaScript me bahut acche ho to aapko Web UI development skills par internship karna chahiye. Kyuki jahan bhi aap internship karenge waha aapko actual kaam diya jayega to us cheez ka aapko basic to pata hona chahiye. Agar aap apne skillset me acche nahi hai to use pehle seekhiye.

2. Aap direct comapnies ko contact kijiye
Aap un companies ki list banaiye jaha aap internship ke liye apply karna chahte hai. Apne skillset ke hisaab se companies ki list banaiye. Internet use kijiye. Aaiye kuch websites ke naam aapko bata deta ju jo aap internship apply karne ke liye use kar sakte hai.
internshala.com letsintern.com twenty19.com. Aur bhi kuch websites hai.
in websites par branches bhi mentioned hoti hai. Aur kitni stipend wo de sakte hai wo bhi mentioned hoti hai. To aap apne skills aur field ke hisaab se companies select karke apply kijiye. Apply karne ke liye pehle to ek accha email draft kijiye bahut short me jisme aap bataaiye ki kyu aap internship ke liye apply karna chahte ho. Mail bahut bada nahi hona chahiye kyuki kisike paas bhi itna samay nahi hota ki wo lambe lambe emails pade. Resume bhi aapka koshish kijiye ke page ka hi ho.

Aap jis company me apply karna chahte hai us company ki website par jaake contact section me unke HR ka email id dekhiye ayr unko email kijiye ki aap unki company me internship ke liye ikchuk ho aur kyu aap internship karna chahte ho. Email me aap apne baare mai bahut short me bataaiye kyuki resume me to detail me likha hi hota hai. To aap email me apna resume bhi attach kijiye.
Email kaise likhna hai aur resume kaise banana hai uska video mai jald hi bana raha hu.
Aap apne contacts me bhi dekhiye ki agar koi reference ke zariye aap kisi company me internship ke interview ke liye bulaaye jaa sakte hai.

3. Interview accha dijiye
Agar company aapko internship ke liye shortlist karegi to interview me bulayegi. Aapko interview bahut acche se dena hai. Aapko kuch minutes me interviewer ko yakeen dilaana hai ki aap unke company ke liye bahut acche intern honge. Interviews acche se kaise dena hai iske upar bhi next week mai kuch videos release karunga demos ke saath.

To doston ye the kuch tareeke internships paane ke.

Koi bhi sawaal ho manme to bas neeche subscribe karke comment box me likh dijiye ai zaroor reply karunga.

Add a Comment