Career Advice/ Guidance

how to get a job in government bank in india?(Hindi)

Mitro mujhe kaafi logo ne poocha ki Government Bank me job kaise paye. To aap sabhi ka jawaab mai is video me dunga. Aapse ek hi request hai ki please video poora dekhne ke baad hi aap comments me apna sawaal likhiye kyuki kaafi baar maine dekha hai ki jo video me maine already bata dia wahi sawaal mujhe phirse comments me poocha jata hai. To aaiye shuru karte hai.

Jaisa ki aap jaante honge Banks do type ki hoti hai Private aur Public jisse government Bank bhi kehte hai.
Private Banks ke apne procedures hote hai select karne ke. Par is video me mai sirf government bank ke job ke baare me bataunga.

Government banks me exam aur interview ke zariye selection hota hai. Exam tough hota hai. Bahut se log government banks me jobs paana chahte hai kyuki isme government ki taraf se kaafi suvidha uplabdh hai jaise Job security, pension, kam byaaj dar par loan etc.

Agar aapko Government Bank me job karna hai to aapko bank exams jaise IBPS ke liye prepare karna hoga graduation karte samay ya uske baad. Pehle se prepare karenge to behtar hoga.

Bank me alag alag profiles hote hai jai Probationary Officer, Clerk, Specialist officer. Apni interest aur qualification ke hisaab se aap uske liye tayaari kar sakte hai. Specialist officer ke role ke liye thode experience ki zarurat padegi aur us field ki qualification bhi lagegi jaise aap apply kar sakte hai Legal officer, IT officer ke liye.

IBPS har saal government banks ke entrance examniations conduct karta hai Probationary Officer aur Clerk ke posts ke liye. To IBPS ke updates zarur follow kijiye un exams ki dates ke liye ibps.in website par. IBPS kya hai? Institute of Banking and Personnel Selection jo government banks ke exams conduct karti hai.

Dhyaan rahe SBI aur IDBI IBPS ke zariye select nahi karti. Unke apne written test aur interview hote hai. SBI ka exam kaafi tough hota hai. Isme Numbers, Communication, Knowledge and Confidence jiska accha hai wo select ho sakta hai. Par isme competition bahut hai.

IBPS me Common Written Exam aur interview hota hai. Jo participants Common Written Exam pass karte hai wo interview ke liye qualify ho jaate hai. Do exams hote hai IBPS me Preliminary aur Main exam. Jo preliminary exam clear kar dete hai wo main exam de sakte hai aur uske baad interview.

Eligibility: Kisi bhi stream me graduation. Kaafi Banks minimum percentage maang sakti hai jaise 60% in graudation general category ke liye.

Skills: Maths me acche ho. Acchi Reasoning aur English. Basic Computer skills.

Pre exam me 3 subjects hote hai
Reasoning (35 marks)
English (30 marks)
Quantitive Aptitude (35 marks)

Time: 1 hour

Main exam:
Papers: Reasoning paper, General Awareness paper, English / Hindi Language Paper, Quantitative Aptitude / Numerical Ability paper, Computer Knowledge paper, Professional Knowledge paper
Marks: 200
Time: 2 se 2.5 hours

Exam pass karne ke baad agar aap interview ko bhi crack kar dete hai to aapko select kar liya jayega. Umeed hai dosto maine aapke kaafi sawaalo ke jawaab diye honge is video me par agar iske bawjood bhi koi sawaal ho to neeche comment section me zarur likhiye. Dhanyawaad

You can purchase IBPS exam books from here: https://www.amazon.in/gp/search?ie=UTF8&tag=codehindi00-21&linkCode=ur2&linkId=372093232608a09983dfdb9738352422&camp=3638&creative=24630&index=books&keywords=ibps

Leave a Reply