Freelance series part 2| 10 बढ़िया freelance income कमाने के ideas

Freelancing series ki is dusre part mein aapka swagat hai. Toh aaj mai aapko 10 aur aise options bataunga jisse aap as a freelancer kar sakte ho.

1. Advertising Copywriting
Mitron aisi web copy lilkhna jispar clicks aaye aasaan nahi hai. Agar aap advertising mein acche hai aur acchi advertising copies likh sakte ho to aap PPC aur display ad headlines likhne ki services provide kar sakte ho.

2. Tutoring
School aur college students ko kaafi subjects ke liye tutors ki zarurat hoti hai. Agar aap kisi subject ko acchi tarah samajhte hai to aap online tutions provide kar sakte hai ya offline bhi.

3. Music production
Music sirf films aur albums mein nahi balki bahut saari cheezon mein istamaal hota hai jaise ads. Toh aap companies ke liye jingles aur songs bana sakte hai. Kaafi companies freelance music creators ki talaash mein rehti hai.

4. Stock Photography-
Kya aapke paas ek accha camera hai aur photography ke skills hai? Aap photos lekar stock photo sites par daal sakte hai. Aapko aapke photo ki har download ya kharidi par royalty milegi. Aur aap photos directly bech bhi sakte hai.

5. Paper Work-
Aap societies ko unke paper work mein help provide kar sakte ho. Jaise Cooperative housing society ke kaafi kaam hote hai jaise maintenance ke bills banaana, cheques collect karke deposit karna. Aap CHS ko approach kar sakte ho aur apne services ke baare mein jaankari de sakte ho. Haan is kaam ke liye aapko 1-2 aur logon ki zarurat ho sakti hai.

6. Photo Editing-
Kya aapko image editing software acche se use karna aata hai jaise photoshop wagehra? Aap as a photo editor apni services online ya offline provide kar sakte ho. Kaafi logon ko bulk mein kaafi photos edit karke chahiye hoti hai. Toh aap ye servies unko provide kar sakte ho.

7. Travel Consulting-
Aap logon ko unke vacation plan karne mein aur trips book karne mein madad kar sakte ho. Agar aapne khud kaafi travel kia hua hai to aap dusron ke travelling ko aasan banaane mein madad kar sakte ho.

8. Search Engine Optimisation services-
Agar aapko Web pages ko search engine par higher rank karaane ka experience hai ya knowledge hai to aap yah service freelancing ke zariye provide kar sakte ho. SEO expert ke roop mein aap yah services provide kar sakte ho logon ko.

9. Computer Training-
Kaafi logon ko computer istamaal karna aata nahi hai. Agar aapko aata hai to aap unko sikha sakte ho. Aap basic se lekar advance level tak ke training unko pradaan kar sakte ho. Aur iske liye kisi degree ki zarurat nahi hai par aapko computer ki acchi knowledge to honi chahiye.

10. Editing-
Jis bhi language mein aapki pakad acchi hai aap usse related editing ke freelance services provide kar sakte ho. Aap books, articles, reports wagehra edit kar sakte ho.

To mitron ye the 10 freelancing income kamane ke ideas. Aur bhi bahut si useful videos ke liye subscribe zarur kijiye is channel ko. Dhanyawaad.

Add a Comment

Your email address will not be published. Required fields are marked *