10 great freelance income ideas and online earning in 2019 in Hindi | Freelance series part 1


Koi bhi apne 9-5 job par poori tarah dependant nahi rehna chahta hai. Toh aaj mai aapko 10 aise options bataunga jisse aap as a freelancer kar sakte ho. Waise is video ke kaafi parts aayenge aage bahut saare aur freelancing ideas ke saath. Har part mein aapko 10 freelancing ideas bataunga. Toh aaiye shuru karte hai-

1. Blogging:
Bahut si companies aur websites aise logon ko dhoondti hai jo unke liye blogs likh sakte hai. To aise businesses ko aap contact karke unke dwaara freelance salary kama sakte hai. Aap chahe to apni khudki koi blog likh sakte hai, khudki website banakar ya dusre blogging sites par. Jaise jaise aapki readership badhegi phir us blog ko aap monetize kar sakte hai aur kaafi log jo bahut acche blogs likhte hai wo badhiya income kama bhi rahe hai. Aur Google adsense kaafi Indian languages ko support karta hai, toh aap jis language mein comfortable hai us language mein blogs likhiye, kyunki kuch researches ke anusaar regional languages ke content mein viewership badhegi aage jaakar.


2. Translation:
Ab economy kaafi global ho rahi hai toh translations ki demand bhi bahut hai. Agar aap koi global language jaante hai acchi tarah jaise French, Spanish, Chinese etc. to aap kaafi saare materials ya business documents ko translate karne ki service provide kar sakte hai. Kuch regional languages ki translations ki requirement bhi ho sakti hai. Aur translations karke aap har ghante ke hisaab se paise kama sakte hai.

3. Social Media Marketing
Businesses ke liye Social Media Marketing a bahut hi zaruri hissa hogaya hai unki marketing ka. Aap freelance social media expert ke taur par Companies ko Facebook, Twitter, Snapchat, Instagram jaise platforms par promote kar sakte ho.

4. Sales Consulting
Agar aap logon ko acche se explain karke unhe convince kar sakte hai to sales consulting service bhi companies ko provide kar sakte hai aap. Aap companies ke liye products aur services bech kar paise kama sakte hai commission ke dwaara.

5. Graphic Designing
Kaafi companies ko logos, blog post, meme, banners ki zarurat rehti hai. Online kaafi aise freelancing sites hai jahan Graphic Designers apni services provide kar sakte hai.


6. Programming
Ye service to freelance mein bahut demand mein rehti hai. Agar aapko programming ya software development aata hai toh aap logon ko websites, apps develop karke de sakte ho.

7. Video Editing
Video content ka istamaal ab pehle se bahut zyaada hone laga hai. Video Editing mein aapko ek raw footage dia jayega aur kuch instructions. Aapko software ka istamaal karke usse edit karna hota hai. Video editing skills aapki acchi honi chahiye aur softwares ko istamaal acche se karne aana chahiye aapko.

8. Marketing Consulting
Agar aapko marketing mein experience hai to aap as a marketing consultant apni services provide kar sakte ho. Aap companies ke marketing efforts ya strategy ko analyze karke unhe improvement ke liye suggestions provide kar sakte ho.

9. Voice Acting
Aap as a voice actor audio narration provide kar sakte ho kisi book ke liye ya kisi video ke liye. Phir aage jaakar films ke liye bhi.

10. Teaching
Aap teaching online bhi kar sakte ho aur offline bhi. Video chat aur live streaming services ke zariye aap bahut kuch sikha sakte ho logon ko jaise koi language ya kuch aur. Aur har ghante ke anusaar charge kar sakte ho.


Add a Comment

Your email address will not be published. Required fields are marked *