Exam के 1 महीने पहले होने वाली सबसे बड़ी गलती


Exam ke liye jab kuch din reh jaate hai jaise 1 ya 2 mahine, tab kaafi students ek galti kar baithte hai. Wo galti hai over confidence ke kaaran kam time mein sab kuch padhne ki koshish karna. Ab aap soch rahe honge isme galat kya hai. Ye to acchi baat hai. Ji nahi. Kaafi students josh josh mein decisions lete hai, hosh mein nahi. Aapko practically sochna hai ki kitne time mein kitna padha jaa sakta hai.

Agar aap poore saal kuch nahi padhe ho ya bahut thoda padhe ho aur exam ke 1 mahine pehle aap sab kuch padhne ka plan banaate ho jo aapke syllabus mein hai to chances hai ki aap sab kuch to nahi padh paao lekin kaafi important cheezein bhi miss kar jaye jo padhna zaruri tha. Ye mere saath bhi bahut baar hua karta tha, kyunki mujhe lagta hai ki mai 1 mahine mein 90 percent laa sakunga padhke, par phir pachtata tha. Isliye aapse is galti ko avoid karne ke kuch tarike bataana chahunga.

Sabse pehle to dekhiye exam ke liye jab sirf 1 mahina bacha ho sabse pehle har subjects ke important topics aur questions ko mark kar lena chahiye. Ab aap soch rahe honge ki kitne topics mark kare. Shuru mein utne topics mark kar le jisse aapke average marks to aa hi jaye. Un topics ya questions ko aap acchi tarah samjke padhle.

Aur chances hai ki wo topics aapke jaldi complete jaaye. Phir un questions ke dum par ek question paper ya koi mock test solve kijiye. Isse aapko idea aa jayega ki itna padhke kitne marks aane ke chances hai. Uske baad thode aur important questions lijiye har subject ke jisse aapke aur thode zyaada marks aane ke chances badh jaye. Aur phir ek mock test dijiye.

Bas isi tarah jitna time bachta jaata hai aur topics aur questions ko cover kijiye. Par jaise ki maine kaha sabse important questions ko pehle acchi tarah padhke uske baad hi aur questions aur topics lijiye.

Isse by chance agar aapke kaafi questions reh jaate hai to bhi aap average marks to laa hi payenge kyunki aapne important questions jo cover kar liye. Toh apne 1 mahine wale time table mein pehle sirf important questions rakho aur phir usse expand karte jao jaise jaise time bache. Mitron isliye pehle hosh se padhiye aur phir josh se padhiye.

Mitron exam se related aur videos aane wale hai to is channel ko agar aapne subscribe nahi ki hai to kar lijiye aur video acchi lagi to like kare.

Add a Comment