Is blog aur video mein mai aapko event management career se related kaafi important jankari dunga jaise kya skills chahiye isme career banaane ke liye, kaunse courses hai, job profiles, course content etc.
Event Management courses waise students ke beech zyaada popular nahi hai. Iske baare mein jankari bhi kam students ko hoti hai. Event management kya hota hai pehle ye jaan lete hai. Events jo hote hai wo to kaafi tarah ke hote hai jaise ki wedding, corporate events, sports events, parties etc. Event management mein ek event ke idea ko plan karna hota hai, promote karna hota hai marketing aur advertising ke zariye, us event mein jo legalities involved hai use dekhna hota hai aur us event ko successfully execute karna hota hai. Event management mein aap alag alag events host aur execute karte hai apne management skills aur resource management skills ka istamaal karke.
Bahut types ke events hote hai jaise Birthday parties, School/College events, Music Concerts, Dance shows, Cultural shows, Sports events, Corporate events, Fashion shows, Adventure and Outdoor events etc.
Doston waise aapke man mein hoga ki event management field mein jaane ke liye kaunsa course kare?
Sabse pehli baat to yeh ki yeh zaruri nahi ki aapne event management field se hi padhai ki ho. Agar aapne dusre fields se padhai ki hai jaise commerce, arts etc. to bhi aap is field mein aa sakte hai lekin tab aapko apne experience se bahut kuch seekhna hoga. Wahin par agar aapne event management se related course kiya hua hai to aapke liye is sector mein career banaana asaan ho sakta hai.
Aaiye ab dekhte hai kuch courses jo aap kar sakte hai 12th ke baad ya graduation ke baad event management field mein career banaane ke liye. Doston waise to ye zaruri nahi ki aap yahi courses kare lekin ye courses karenge to aapko event management ka accha idea aa jayega. Aur doston is courses ko thode alag naam se bhi provide kiya jaa sakta hai kuch institutes mein. Diploma in Event Management jo ki ek diploma course hai jo aap apne graduation ke saath kar sakte ho BBA in Event Management jo ki ek degree course hai jo aap 12th ke baad kar sakte ho Post Graduate Diploma in Event Management jo ki 1 saal ka post graduate diploma course hai
Konse skills hone chahiye aapke paas event management field mein career banaane ke liye?
Agar aap creative hai to badhiya hai. Clients chahte hai ki unka event bahut successful ho. Ek event manager apne client ko khush kar sakta hai us even ko badhiya tarike se plan aur execute karke. Aur wo kuch innovative aur creative lekar aa jaye to phir kehne hi kya? Unki reputation bhi banegi event management sector mein.
Is field mein acche PR yaani Public relation skills bhi chahiye. Kyunki kaafi tarah ke logon ke saath aapko deal karna hota hai.
Accounting aur cost estimating skills honge to kaafi accha hai.
Acchi networking skills bhi honi chahiye. Aap logon ko recruit karoge events ke liye, cost ko negotiate karoge to aise mein networking aapki acchi hogi to aasani se aapko solutions mil sakte hai.
Aaiye ab dekhte hai ki normally course content kya hota hai event management courses mein:
Law and other Legal aspects
Human Resource Management
Inter Department Coordination
Advertising and Promotion
Branding and Brand Promotion
Aaiye ab dekhte hai ki job profiles konse available hai Event management field mein:
Advertising and Marketing Executive
Brand and Image Specialist
Resources Purchase Manager
Finance Management Executive
Namaste Mai hu Vicky Shetty, aapka adviser. Mujhe 12 saal ka tajurba hai IT aur Marketing Industry me. Career Code Hindi ke madhyam se mai aapke career me aapko sahi guidance pradaan karna chahta hu.
I am Vicky Shetty, a career adviser. I have an overall experience of around 12 years in IT and Marketing industry. Through Career Code Hindi I would like to share my experience with you and provide you proper guidance.