Copywriting kya hai?

https://youtu.be/4WoHE8-BF8Y

Doston aaj jis skill ke baare mein mai aapko bataane wala hu wo bahut hi powerful tool bhi hai aapke liye. Aapko kisi bhi cheez ko sell karne mein ye kaafi kam ayega. Job hi nahi balki freelancing ya business mein bhi bahut fayda karayega aapka. Is skill ko agar aap badhiya kar lete ho to isme bahut zyaada paisa kamaya jaa sakta hai. Sirf acchi salary nahi balki aap freelancing karke bhi is skill ke zariye bahut acchi income create kar sakte ho aur wo bhi bina koi paise invest kiye, bas kuch shabdon ko badhiya tarike se istamaal karke. Wo skill hai Copywriting.

Copywriting career ke baare mein bahut kam log jaante hai. Career to door kaafi log to copywriting kya hai wo bhi nahi jaante hai. To aaj mai aapko badi baariki se aur simple tarike se bataane ki koshish karunga ki Copywriting kya hai aur Copywriters kya karte hai. Bas is video ko aap pura dekhiye aur aap 10 minute mein Copywriting ko samajhenge hi nahi balki usse related kaafi important cheezein jaan payenge.

Copywriting ka matlab hai advertising ya dursre tarah ki marketing ke liye text likhna. Ek written content hota hai ye jo brand awareness badhata hai aur ultimately persuade karta hai kisi ko koi action lene par.

Doston aapne content writing ke baare mein to suna hoga, hai na? Haa to wo nahi hai. Ye usse kaafi alag hai. Copywriting alag cheez hai aur content writing alag. Copywriting ka purpose hota hai promotional advertising ya sales aur content writing ka purpose hota hai online content likhna taaki audience website par engaged rahe.

Nahi samjha kya? Ek example ke zariye batau? Suppose naya laptop aya hai market mein to agar uske baare mein, uske features ke baare mein hume koi blog, article wagehra likhna hai to wo hua content writing. Lekin agar hume us laptop ko bechne ke liye ek copy likhni hai jaise koi banner hai jispe us laptop ki photo hai aur uske bagal mein hume likhte hai ‘this is the coolest laptop for gamers. ‘You will not regret buying this’. To wo hoga copywriting kyuki ye is motive se likha gaya hai ki zyada se zyaadya conversion rate aa sake. Bik sake product ya service. To copywriting sales ko increase karne mein help karta hai. Kaafi baar to sales bahut tezi se increase hote hai agar copywriting badhiya tarike se kiya gaya ho.

Umeed hai ab to samaj gaye honge fark copywriting aur content writing ka. Haa lekin agar Copywriting aur Content Writing dono mein acche hai to dono bhi kar sakte hai. Dono type ke kaam ke liye aap projects le sakte hai. Aur aapne ek cheez notice ki kya? Normally ek product ko bechne ke liye hum jo marketing strategies apnate hai unme cost involved hota hai. Yaani marketing ke liye paise daalne padte hai pehle aur baadme aapko result milta hai lekin Isme investment na ke barabar hai. Kuch badhiya shabdon ke zariye aap products ko bech rahe hai. To zara sochiye ye kitna bada impact chodta hai sales par

Copywriting ka istamal bahut si cheezein create karne mein hota hai jaise banners, billboards, brochures, catalogs, jingle lyrics, magazine and newspaper advertisements, sales letters and direct mail, scripts for television or radio commercials, taglines, white papers, social media posts jaise Facebook par ads aur kaafi saare marketing communications.

Copywriters ke employment areas ki baat karte hai. Yaani jahan par aap jobs paa sakte ho copywriting ke skill ke zariye. Kuch areas aapko bata deta hu lekin doston inke alawaa bhi aur areas hai:
advertising agencies, public relations firms, or copywriting agencies

Kuch copywriters independent contractors ya freelancers ke roop me kaam karte hai. Alag alag clients ke liye likhte hai wo. Wo ghar se kaam karte hai ya client’s ke office mein kaam karte hai. To kaafi cases mein isme kaafi flexibility hoti hai kaam mein. Badhiya aur experienced copywriters kaafi accha kama lete hai.

Ab agar aapko copywriting paaand aya aur aapko lagta hai ki aapme copywriting ka talent hai to ab aapke man mein hoga ki kaise bane copywriter.

Dekhiye copywriter banne ke liye aapko waise to kisi alag tarah ke degree ki zarurat nahi hoti. Lekin mai kahunga ki aap apni graduation zarur kare. Kyunki kaafi companies graduates ko recruit karti hai. Haa aur aap Arts, Humanities ya Mass communication stream se apna graduation karenge to badhiya hoga. Kyunki in courses mein communication par kaafi focus hota hai. Lekin jaisa ki maine kaha ye compulsory nahi ki aap inhi streams se graduation kare. Aapme creativity honi chahiye aur passion hona chahiye likhne ke liye.

Lekin aapko pata kaise chalega ki aapme wo skill hai ya nahi jo copywriting mein aapko chahiye. To aap choti choti cheezon se shuru kijiye. Agar aap abhi koi aur type ka job kar rahe hai to part time bhi ye kaam kar sakte hai. Kaafi freelancing websites hai jahan par log requirement daalte hai. Try kijiye unse koi kaam lene ka. Haa shuru mein income generate karna mushkil hoga. Graduation karne ke baad agar aap copywriting mein jana chahte ho to try kare kisi Media company ya Ad agency mein Copywriting related job paane ka. Agar as a copywriter job nahi mil pa raha hai ya bahut kam salary mil rahi hai isme isliye koi aur type ka job choose kia hai aapne, lekin phir bhi aapki ruchi hai isme to aap koi aur job karte part time copywriting ka kaam kar sakte hai freelancing ke zariye apne pehchan mein ya online sites par. Aur haan Doston starting salary isme kaafi kam bhi ho sakti hai lekin agar aap 1-2 saalon mein apne skill ko nikharke talented copywriter ban jaate hai to aap high salary paa sakte hai. Badi Ad agencies jaise Ogilvy, GWT, Rediffusion mein copywriting ki requirements rehti hai aur wo kaafi accha pay karti hai agar aap badhiya copywriter hai to. Aur haa doston kaafi companies mein internship ke bhi opportunities hote hai to wahan aap copywriting internship ke liye apply kar sakte ho. Waise kaafi tarah ke Internships aap kaise paa sakte hai aur kaise apply kar sakte hai uspar maine ek video banai hui hai jiska link aap niche video ke desciption mein dekh sakte hai.

Copywriting ek aisi cheez hai jo aap karte hue hi seekhoge. Aapko apni is creativity ko kaam karte hue nikhaarna hoga. Kaam karte hue aapko pata chalega ki kaunsi cheezein kaam karti hai aur kis cheez par kaisa response aata hai consumers ka. Nayi nayi cheezein try kare shuru mein lekin sabhi cheezein ek saath karne ki koshish na kare. Doston kaafi copywriters ek galti karte hai ki wo sabhi industries ke liye copies likhna chahte hai aur uski koshish karne lagte hai. Isme burai nahi hai lekin shuru mein aapko samajhna hoga ki kis industry ke liye aap badhiya tarike se copies likh sakte hai. Kuch niche chuniye shuru mein. Jaise aap kis niche mein likhna chahte hai FMCG industry ke liye, Fitness industry ke liye? Kisi ek sector, ek industry par focus kare jisme aapka interest hai. Aapko market ko acchi tarah se samajhna hoga pehle. Tabhi to aap uske baare mine likh paoge. Aur doston aapke kaafi saare copies shuru mein reject bhi ho sakte hai to aapko ise accept karna hoga. Aisa nahi hai ki jo bhi aap likhoge accept ho jayega. Rejects ko accept karke improve karna hoga. Tab hi aap is industry mein sustain kar paoge. Kuch naya try karne se dariye mat.

Copywriters ki team ko normally ek creative director lead karta hai aur jo copies likhi jaati hai unhe art director visuals aur designs mein badalta hai. Ab doston aapke man mein hoga ki aakhir shuru mein kitni salary kama sakte hai Copywriting job mein. Aap shayad bol rahe honge ki bahut ho gayi bak bak ab wo number batao jo copywriters kama sakte hai. Average taur par bataun To freshers jo hai isme around Rs. 12000-25000 per month ke beech shuru mein pa sakte hai. Ye depend karega kaafi cheezon par jaise aapki company, aapke clients ityadi. Dekhiye jaisa ki maine bataya aapko shuruwaat mein jab aapko koi experience nahi hota copywriting ka to salary kam ho sakti hai lekin ye aage jakar kaafi badh sakti hai aapke experience aur skills ke saath. Aur shuruwaat mein aapko job profile jo mil sakti hai wo hai junior copywriter ki jisme aapko aapke seniors guide karenge kyuki aap fresher ho. Koshish kare ki jo bhi wo aapko advise de rahe hai use acchi tarah samajhne ka aur apne kaam mein implement karne ka.

Waise doston aur ek baat aapke man mein hogi ki Copywriting kya sirf English mein hi kiya ja sakta hai? To mera jawab hai ek sawaal ke roop mein. Kya ek product ya service ko sirf English mein bech sakte hai? Nahi na? usi tarah se Copywriting kisi bhi language mein bhi kiya ja sakta hai. Bahut saare TV ads jo aap dekhte Bharat mein usme aap dekhiye usme Hindi use hota hai mainly. To copy ki language jo hai wo depend karegi ki aapka consumers kaun hai. Agar zyaada consumers English wale hai to English mein likhenge copy aur agar zyaada consumers Hindi wale hai to Hindi mein likhenge copy. Lekin haa kaam ki demand jo hai wo kuch languages ke liye zyaada ho sakti hai aur kuch ke liye kam. Depend karega ki companies ke end consumers kaunse language ke hai. Waise kaafi companies mein English mein zyaada copies likhi jaati ho aisa ho sakta hai. Doston waise mai copywriting ke kaafi saare tips aapke saath share karunga jisme mai aapko bataunga ki kaunse mistakes aapko avoid karne chahiye copywriting mein aur kya kya aap kar sakte ho apni copywriting skill ko nikharne ke liye.

Umeed hai ye video aapko acchi lagi aur copywriting ke baare mein maine jo bhi samjhaya aapko samaj aya. Agar koi bhi confusion hai abhi bhi copywriting ke baare mein to comments mein mujhe bataye. Is video ko like aur share zarur kijiye agar acchi lagi to. Milenge next video mein jald hi. Dhanyawaad.

Add a Comment

Your email address will not be published. Required fields are marked *