Career Advice/ Guidance

Chartered acccountancy course ke saare details Hindi me

Namaste Mitro. Aap sabhi ki Deepavali ki bahut bahut shubhkamnayee. Aaj aapko bataunga Chartered acccountancy course ke saare details:

ICAI se CA hota hai jiske saath aapko register karna padta hai. Thodi si history bata deta hu ICAI ki. 1st July 1929 ko found hua tha ye institution ek statutory body ke roop me chartered accountancy ke profession ko regulate karne ke liye. Membership ke maamle me ICAI second largest professional Accounting & Finance body hai duniya me.

CA course bahut famous hai aur aapko kaafi log ye kehte honge ki ye bahut tough hai isme bahut kam log pass hote hai. Aapke saare sawaalo ke jawaab mai aaj is video me de dunga.

Sabse pehle iski eligibility bata deta hu.
class 12th ke baad aap CA shuru kar sakte hai. Koi minimum percentage required nahi hai yaani class 12th me pass hone chahiye aap. Aur kisi bhi stream se aapne class 12th kia ho to chalega. Arts, Science ya Commerce kisi bhi stream se.

CA me 3 stages hote hai
CPT
IPCC (Integrated Professional Competence Course)
CA Final

class 12th me aap CPT ke liye registration kar sakte hai. Normally jo hai January se march ke beech me har saal CPT ke liye registration open hoti hai. 12th ke result ki wait karne ki koi zarurat nahi hai registration ke liye. 12th ka exam dete hi register kar sakte ho.

CPT ka exam june me aur december me ayogit hota hai.

4 subjects hote hai isme accountancy, maths, economics aur law. Har subject me 30% score karna hota hai CPT me aur in aggregate yaani saare subjects milaakar jo score hona chahiye wo hai 50%. 200 marks ka paper hoga. 60 marks accountancy ke liye. 40 marks ka law. 50 marks ka maths aur stats aur 50 marks ki economics. Mujhe jo hai kaafi bacche poochte hai ki sir maine science liya tha, arts liya tha college me to kya mai CPT de sakta hu. Ji jaan bilkul de sakte ho. Aap kisi bhi stream se ho koi fark nahi padta bhai CA kar sakte ho aap.

CPT ka result july tak aa jayega.

CPT pass hone ke baad aapko register karna hota hai IPCC ke liye. Agar aap graduate hai to aap directly IPCC me apne aapko register kar sakte hai. Lekin iski kuch requirements hai jaise ki agar aap commerce graduate hai aur 55% marks se pass hue ho final exam me with these subjects Accounting, auditing, mercantile laws, corporate laws, economics, management including financial management, taxation,costing, business administration. Aur non commerce students jo 60% marks se pass hue ho. Wo log eligible hai CPT exemption ke liye.
Aap is exemption ko detail me is link par dekh sakte hai
https://www.icai.org/new_post.html?post_id=8792

IPCC me 2 groups hote hai. 1st group me four papers honge aur 2nd group me 3 papers.
Group 1 me Subjects honge ye:
Paper1: accounting
Paper 2: Business Laws, Ethics and Communication.
Paper 3: Cost Accounting and Financial Management.
Paper 4: Taxation

Group 2 ke papers kuch is tarah hai
paper 1: Advanced Accounting
paper 2: Auditing and Assurance
paper 3: Information Technology and Strategic Management

Passing marks jo chahiye wo hai 40% har subject me individually aur in aggregate 50% score karna hai. Aap chahe to dono group ka exam ek saath de sakte ho ya phir ek ek karke de sakte ho. IPCC ke exam hote hai May aur november me. CPT clear karne ke baad aap 9 months ke baad IPCC exam ke liye appear kar sakte ho.

Aap agar 12th ke baad CA kar rahe hai to regular college bhi saath me kar sakte hai. Bas articleship karte samay aapko college karna hai to form 112 file karna hoga with ICAI for permission. ICAI se permission leni padegi. Ye bahut zaruri hai warna problem aa sakti hai.

IPCC ke baad 2 trainings hoti hai choti si
ITT information technology training
and Orientation Program 15 days ya 100 hours ki hogi

Iske baad aap apne articleship ke liye register kar sakte ho. 3 years ki training hoti hai articleship me. Isse sunkar kaafi students dukhi hote hai ki bhai itni lambi training kaun karega. Hamse nahi hoga.

ICAI aapko ye option deta hai ki aap IPCC ka ek group clear karke bhi aap training start kar sakte ho.

Articleship aap kaha kar sakte ho
CA firms me. Badi badi CA firms hai aur choti choti bhi hai. Aap kisi bhi CA firms se articleship kar sakte ho.
Articleship ke 2.5 years complete ho jaane par aap CA final exam dene ke liye eligible ho jaate ho.

CA final group ke subjects kuch is tarah hai
2 groups honge aur 8 subjects

CA Final Subjects : Group I
Paper 1: Financial Reporting [100 Marks]
Paper 2: Strategic Financial Management [100 Marks]
Paper 3: Advanced Auditing and Professional Ethics [100 Marks]
Paper 4: Corporate and Allied Laws [100 Marks]
Section A: Company Law [70 Marks]
Section B: Allied Laws [30 Marks]

CA Final Subjects : Group II
Paper 5: Advanced Management Accounting [100 Marks]
Paper 6: Information systems Control and Audit [100 Marks]
Paper 7: Direct Tax Laws [100 Marks]
Paper 8: Indirect Tax Laws [100 Marks]
Section A: Central Excise [40 Marks]
Section B: Service Tax & VAT [40 Marks]
Section C: Customs [20 Marks]

Pass hone ka criteria hai 40% in individual subjects aur aggregate me 50%

IPCC ka jo pass hone ka result percentage hai yaani ki bhai kitne students pass hote hai IPCC exam me? 10-12% ke aas paas hota hai yeh. CA final me pass result percentage 10% ke bhi niche hota hai. Kabhi kabar kaafi kam ho sakta hai jaise 4%. Doston CA course karne ke liye dedication ki bahut zarurat hai. Aap 4-6 ghante roz padhai kijiye IPCC ke waqt aur final exam ke liye to aapko 2.5 se 3 saal ka samay mil jaata hai padhne ke liye. Lekin usme aap articleship bhi karte hai to samay nikaalna mushkil ho jaata hai. Isliye un 2.5 se 3 saal me jitna ho sake samay nikaal kar final exam ki padhai kijiye.

Articleship aapke liye bahut importanat hai. To articleship karne se pehle apne seniors se guidance le lijiye ki articleship karna behtar hoga. Articleship me stipend milti hai jo Rs1500 se Rs15000 tak ho sakti hai. Har company ki stipend alag hoti hai.

Fees kitni hai CA course ki?
Foundation registeration ki around Rs9800
IPCC course ki around Rs18000
Final course ki around Rs.22000

Aaiye ab baat karte hai salary ki. Normally to kaafi acchi salary milti hai CAs ko. Agar aapke skills kaafi acche hai to kuch saal ke experience me hi Ye per annum Rs.20 lakhs se Rs.70 lakhs tak bhi jaa sakti hai.

Campus Placements ke baare me bata deta hu aapko
ICAI campus placements conduct karta hai CA final exam ke baad. Badi badi companies placements me aati hai jaise TCS, Infosys, Public sector units etc.
Average package jo campus placements me milta hai wo hai around 7 lakhs per annum aur highest package hai around 22 lakhs. Lowest package hai around 3-4 lakhs. Package aapke skills par depend karta hai.

Government job me bhi CA ki requirement hoti hai jaise specialist officer ki job.

Job ke alaawa bhi Aapke paas aur options hai CA banne ke baad.
Aap apni consultancy firm open kar sakte hai jisme aap kaafi services jaise auditing ki services. Auditing ek aisi cheez hai jo sirf CA hi kar sakta hai to isme CAs ko advantage hai. Aap aur bhi fields me practice kar sakte hai jaise taxation, finance etc.

Mitron umeed hai maine aapko CA course ke baare me almost bahut kuch bata dia. Koi bhi doubt ho yaa guidance chahiye to subscribe karlo is channel ko aur comments me apna sawaal poocho. Mai zarur help karunga. Dhanyawaad mitro.

2 Comments

Leave a Reply