Career in Ethical Hacking explained in Hindi

Mitro aaj baat karenge Ethical hacking course ke baare mein.

Ethical hackers ya jinhe white hats bhi kehte hai wo hote hai jo illegal hacking ke khilaf kaam karte hai. Who computer systems ko khatarnak ghuspait se bachaate hai. Ethical hackers security systems mein loopholes yaani kamiyon ko dhoondte hai aur unke jo owner hai use report karte hai in khatron ke bare mein. Wo owners ko solutions bhi provide karte hai un khatron se nipatne ke liye. Toh unka kaam hai jo malicious activities hai jisse system ko khatra hai use samay rehte find out karna aur solve karna.

Courses:
Bachelors degree in IT jaise BSc IT, computer science, computer engineering etc. ya koi advance diploma network security mein.

Kuch certifications bata deta hu mai aapko:
Certified Ethical Hacker (EC-Council)
Certified Hacking Forensic Investigator (EC-Council)
GIAC Certified Penetration Tester (GPEN) by SAN and GIAC
Certified Intrusion Analyst (GCIA)

Candidate ko kaafi experience lena hota hai network security mein aur alag alag operating systems ki knowledge bhi leni hoti hai. Unko ek se zyaada programming languages seekhne ki zarurat bhi padh sakti hai.

Ab aapko mai bataata hu ki aap Ethical hacker banne ke liye kya steps le sakte ho.

Aap 10+2 maths aur physics ke saath pass karenge toh behtar hoga.
Phir aapko degree ya diploma course in computer science ya information science ke liye apply karna hoga. College accha hoga to behtar hoga. Agar aapko aapke degree course mein information security aur network systems ka utna knowledge nahi mil raha hai toh aap apni degree ke saath Ethical Hacking ke certifications bhi kar sakte ho.
Graduation ya certification complete hone ke baad aap Private ya Public companies jisme computer system security design ki zarurat hai unme jo vacancies uske liye apply kar sakte ho. Kaafi saari IT companies mein bhi aap apply kar sakte ho. Kaafi companies Ethical hacker ko as a trainer bhi leti hai.

Ethical hackers ki demand aane wale samay mein aur badh sakti hai.


Salary:
Normally Ethical hacking mein salary IT ke dusre fields se zyaada hoti hai. Starting salary kaafi cheezon par depend karega jaise aapki company, aapka college ya degree. Par mitro shuruwaat mein aap around Rs. 3.6 lakh per year tak expect kar sakte ho. Jinka experience zyaada hai aur qualification aur skills bahut badhiya hai wo log Rs.12 lakh se Rs. 30 lakh per year tak bhi paa sakte hai.

Aaiye ab mai aapko bataata hu ki Ethical hackers jo kaisi job profiles mil sakti hai.

Kuch job profiles bata raha hu.
Ethical Hacker
Security Analyst
Information Security Analyst
Security Consultant
Web Security Manager
Network Security Systems Manager
Network Security Administrator
Web Security Administrator

To mitro video acchi lagi to like karo aur share zarur karna sabke saath. Aur subscribe kar liya na?

Leave a Reply