Career & Courses

Career in Astronomy details in Hindi

Kya aap chand, taaro, planet, comets ki study karna chahte ho? Agar haan to Astronomy ka career aapke liye hai. Astronomy physics ka ek branch hai jo celestial bodies jaise planets, stars, galaxies ki study par kendrit hai. Isme prithvi se bahar ke objects aur unke physical aur chemical properties ki padhaai hoti hai

Astronomers karte kya hai?
Astronomers observers hote hai jo ye information nikaalte rehte hai ki universe kaise kaam karti hai hamaare planets jo solar system me hai uske dwaara. Isme evolution of stars ki study hoti hai.


Astronomers mathematics aur physics ke principles use karte hai Universe ke baare me research karne ke liye. Woh telescopes aur computer programs ka istamaal karte hai data gather karne ke liye. Astronomers Scientists ke saath bhi kaam karte hai research conduct karne ke liye.

Astronomy me kaafi tarah ke branches hote hai jaise Astrophysics, Astrometeorology, Astrobiology, Astrogeology and Astrometry.

Aaiye aapko ab mai bataata hu Astronomer kaise bane?
Astronomer banne ke liye Ph.D degree compulsory hai.
Pehle aap apni 10+2 complete kijiye science stream me mathematics aur physics ke saath.
Uske baad aap undergraduate course join kijiye Astronomy me ya Physics mein. Aap B.Sc in Astrophysics, B.Sc in Astronomy aur B.tech jisme physics par zor ho kar sakte ho.
Uske baad aap postgraduate degree kijiye Astronomy mein ya Physics mein jaise M.Sc Astronomy, M.Tech (Astronomy and Space Engineering)
Masters degree complete hone ke baad aap Ph. D kijiye jisme specialization astronomy ya Astrophysics honi chahiye.
Kaafi institutes mein integrated M.Sc aur PhD programme provide ki jaati hai. Matlab ki do degree join karke.

Astronomer banne ke liye kya skills chahiye?
Acchi obersvation skills
Physics aur Mathematics ki solid knowledge
Computer programs aur software ki acchi knowledge
Complex problems solve karne ki kshamta aur research karne ki kshamta

Admission kaise hota hia?
Kaafi Colleges aur Universities unke khudke entrance test conduct karte hai jaise Indian Institute of Science, Bangalore IISC naam ka test conduct karti hai.
PhD me admission ke liye aapko GATE NET jaise examination clear karne padenge

Astronomy me job areas kon se hai?
Research
Universitites
Industry

Job types konse hai?
Research Scientist
Lecturer
Astronaut
Astronomer

Kuch Institutes ke naam aapko bata deta hu:
Indian Institute of Space Science and Technology (IIST), Thiruvananthapuram
The Indian Institute of Astrophysics (IIAP), Bangalore
Tata Institute of Fundamental Research, Mumbai
Osmania University, Hyderabad
Indian Institute of Science, Bangalore

Umeed hai aapko yeh information pasand aayi. Koi bhi sawaal ho aapke manme bas subscribe karke niche comments box me likh dijiye. Dhanyawaad.

Leave a Reply