Youtube me career kaise banaye?

YouTube ko aaj kal kaafi log career ke roop me chun rahen hai. Youtube par videos banane waalo ko youtuber kaha jaata hai. aaj mai aapko kuch aise tips dunga jisse aapko YouTube ko apne career ke roop me chunne me madad milegi. YouTube ko safal banaane me ya ye kahiye ki youtube ka poora business model 4 cheezon par dependant hai.
1. Khud youtube
2. Creators – yaani ki ham log jo youtube par videos banate hai.
3. Advertisers – yaani ki jo companies youtube ko pay karti hai apni advertise youtube par dikhaane ke liye.
4. Users – Jo youtube ke videos dekhte hai.

YouTube par paise kaise kamate hai?
Sabse pehle aapko apna channel banana hoga. Channel banane ke liye apne gmail account se login karke aap youtube.com par jaaiye aur settings me jaakar “create a channel” click kijiye. Naam aur baaki details bhar dijiye aur ban gaya aapka channel. Phir channel ko google adsense ki account se link kar dijiye. Adsense account create karne ke liye https://www.google.com/adsense par jaakar apne gmail account se signup kar lijiye. Hum jo bhi videos banate hai use monetize karna hota hai youtube par monetization button click karke. Fir hamare videos par ads aani shuru hoti hai aur jab users hamare ads par click karte hai to hame har click ke hisaab se paise milte hai. Google adsense ki account me hamare bank account details daalne hote hai jisse 100 dollar hone par hi youtube hame paise bhejta hai.

Part Time se YouTube shuru karo:
YouTube ke bharose apna job mat chodna jab tak ki aapne itne paise na kama liye ho ki kuch saal bina kaam ke bhi aaram se reh sakte ho. YouTube par safal hone ke liye kaafi dhairya ki zarurat hoti hai. Koi raato raat top ki channel nahi create hoti hai. Jab tak aap accha content nahi banaoge tab tak acche views aur subscribers nahi aayenge. Isliye pehle youtube ko as a partime career karo. Dheere dheere apne channel ke subscribers badhao unhe acche content provide karke.

Apne andar ke talent ko pehchaane:
Sabse pehle apne aap ko tatoliye. Sochiye ki aisi konsi cheez hai jo aap acche se kar sakte hai. Aisi konsi skill hai jo aapme hai. Phir us skill ko apne youtube videos me istamaal kijiye. Jaise aap mobile ki reviews acche se de sakte hai to mobile review ka channel open kijiye. Agar aap singing acchi karte hai to singing ka channel, agar swimming acchi aati hai to swimming sikhaiye youtube par. Bahut saare aisi cheeze hai jo aap youtube par sikha sakte hai. Umr ki koi seema nahi hai isme. Chahe aap 15 saal ke ho ya 100 saal ke. Jo aapko aata hai wo sikhaahiye aur agar logon ko aapke videos pasand aate hai to aapka channel hit hai.

Youtuber banne ke liye kya Skills zaruri hai:
1. Kisi field ke baare me acchi knowledge
2. Logon se connect karne ka apna ek andaaz
3. Utsaah aur ruchi
4. Aapki family ka sahyog

Youtuber banne ke liye kya equipments chahiye:
1. Video banane ka zariya (mobile se video banane wali koi software download karlo ya laptop hai to moviemaker se karo)
2. Audio banaane ka zariya (mobile ke microphone se record karlo ya laptop hai to audacity software se voice modify karo)

YouTuber banne ke fayde:
1. Collaboration yaani sahyog. Agar aapke videos doosre safal youtubers ko pasand aate hai to wo aapko contact kar sakte hai apne saath milkar kaame karne ke liye
2. Acchi Kamai – Agar aapko bahut views aur subscribers mil rahe hai to aap ek acchi income generate kar sakte hai
3. Khud ka improvement – Koi bhi cheez doosro ko samjhane se ya bataane se hame aur knowledge milti hai jisse hamara aur vikaas hota hai.
4. Apne subscribers ka support aur pyaar – Agar aap acche videos banaoge to log aapko kaafi support karenge. Aapka unke saath ek bond banega jab jab aap unke comment ko reply karoge

YouTuber banne me aane waali dikkate:
1. Mazaak jhelne me problem: Jab aap apne youtube videos banayenge to kuch log honge jo unme kamiya nikaalenge aur aapka mazaak udaayenge. Aapme isse sehne ki shakti honi chahiye. In logon ki baaton ko feedback ke taur par lekar apne next video ko aur accha karne ki himmat honi chahiye.
2. Waqt aur mehnat – Kuch videos banakar chod doge to ise career ke roop me mat chunna. Agar karna hi hai to seriously karo. Mai ye nahi keh raha ki poora dina yahi karo. Par jitna bhi samay mile apne main kaam se uska sahi istamaal karo. Ye nahi ki agar 2 ghante free time mila to 10 min video banayi aur baaki ghante mauj masti ki. Agar 2 ghante mil gaye to us 2 ghante ka sahi upyog karo.

Sabse zaruri baat:
Niraash mat hoiye agar shuruwaat me aapko views ya subscibers nahi mil rahe. Apne content ko aur sudhaarne ki koshish kijiye. Youtube par safal hone ke liye sabse zaruri hai accha content. Fir us acche content ko logo tak jyada se jyaada pahuchane ke liye aap youtube ke kuch process hai usko follow karke apne videos ko promote kar sakte hai.

Bhaarat me abhi bhi internet bahut jagah pahuncha nahi hai. Isliye bhaarat me youtube ka scope abhi aur bhi badhega. Jaise jaise vikaas hoga waise aur logo tak internet pahuchega aur youtube bhi. Aur bhaarat ki itni aabaadi hai ki agar aap acche videos banayenge to aapko bahut subscribers mil sakte hai.

YouTuber banne ke liye jo cheeze chahiye wo aap online purchase kar sakte hai. Unke links maine description me de diye hai.

You can get Microphones from here

Add a Comment