Business ke fail hone ke kaaran kya hai? Business kaise kare?

Doston agar aap aage jaakar koi naya business shuru karna chahte hai to aapko ye zarur analyze kar lena chahiye ki kyu kaafi businesses chal nahi paate hai ya fail ho jaate hai. Kyunki tabhi to aap jaan payenge ki aapko kaunsi galatiyaan avoid karni chahiye. To aakhir buisness kaise kare? Aaj hum janenge ki kyun kaafi Businesses fail ho jaate hai. Kya reasons hai?

Aur haan bataane ki zarurat to nahi honi chahiye ki thik se samajhne ke liye video ko end tak zarur dekhen.

Doston agar inko hum broadly dekhen to iske ye aspects hai:

  • Marketing aspect
  • Financial aspect
  • Technological aspect
  • Planning flaws
  • Personal issues

Aaiye inko hum detail mein samajh lete hai taaki hum apne business mein aise galatiyan avoid kar sake.

Marketing aspect mein dekhte hai ki kya kya cheezein aati hai:

Marketing se aapke products bikte hai aur paise aapko milte hai jisse aapka business run hota hai. To ise behtar tarike se karna zaruri hai. Kuch marketing se related bade mistakes jo companies karti hai wo ye hai:
1. Competition ko ignore karna:
Aaj ke customers waha jaate hai jahan unko best products aur services mil paye aur behtar daam mein mil paye. Isliye phir unko chahe seller se long-term relationships bhi break karna pade to wo kar lete hai. Apne competition ko monitor zarur kare. Aur unke best ideas ko aap copy karne se bhi sharmaiye mat, bas is baat ka dhyan rakhen ki aap koi law break na kare. Naya business model ya naye products ya services tayaar karne ke liye kuch samay nikaale jiske aapko apne competitors se ek edge mil sakta hai.

2. Kharaab customer service:
Ek baar aap customers ko attract kar lete hai to uske baad aapko unhe rakhne ke liye kaafi mehnat karni hoti hai. Customer service aapke business ka bahut hi aham hissa ho sakta hai. Agar aap apne customers ke needs ko follow nahi kar paa rahe hai to aapke competitors iska fayda utha lenge aur aapke customers waha jayenge.

3. Apne customers ko validate na kar paana:
Kaafi entrepreneurs ko aisa lagta hai ki unko pata hai ki customers ko exactly kya chahiye. To customers ko poochna zaruri nahi samajhte. Aisa nahi karna chahiye. Aapko samay nikalkar apne customers ko acchi tarah se samajhna chahiye. Apne business plan ko customers ke needs aur desires ke mutabik build kijiye.

4. Lack of internal marketing:
Aapko internal marketing bhi karni hoti hai. Matlab ki aapke jo employees hai unke saamne apni company ko market karna hota hai. Isse aapke employees ki overall commitment badhti hai aapke aur aapke customers ki oor.

Financial aspect dekh lete hai jinki wajha se businesses fail hote hai:

Finance to business ki life-blood hai. Aur finance aur acchi tarah manage karna business ke success ke liye bahut important hai. Kaafi businesses poor financial management ki wajah se close bhi hue hai. Isme kuch important factor jo hai wo hai:
1. Lack of foresight yaani door drishtita ki kami:
Jo financial risks expected nahi hai unko normally nazarandaaz kar deta hai jo ki thik nahi hai. Financial management mein door ki soch bhi zaruri hai. Door ki soch ki kami ki wajah se kaafi problems ho sakte hai jaise tax ki galat planning, overtrading etc.

2. Cash flow ka problem:
Ye sabse common problem hai businesses mein jiski wajah se business shutdown bhi ho sakta hai. Aapko acchi tarah se track karna chahiye jo paisa aapke business mein aa raha hai aur jo jaa raha hai. Agar cash ki kami hogi to aapka business chahe profitable ho to bhi band ho sakta hai. Aapko cash flow ke projections bhi nikaalne hote hai jisse aapko pata chalta hai ki aap kitna paisa spend kar sakte hai baaki cheezon par.

3. Galat team bhi ek kaaran hai jiski wajah se businesses fail ho jaate hai:
Top management ek business ko lead karte hai. To aapke top management mein aise decision makers hone chahiye jo kaabil ho. Successful business owners apne business ke kaafi saare tasks mein apne aap ko behtar kar lete hai jaise marketing, hiring, accounting etc. taaki wo inpar thik se dhyaan rakh saken. Ab ye to mushkil hai ki aap har cheez mein acche ho. Par darne ki koi baat nahi jin bhi cheez mein aap apne aap ko behtar kar sakte hai unme kijiye aur jinme nahi kar sakte to unke liye aise partners dhoondiye jo usme expert ho aur aapko badhiya advise de sake. To isliye top management ka badhiya hona bahut hi zaruri hai

Ab dekhte hai Technological aspect jiski wajah se businesses fail ho sakte hai:

Isme aate hai wo technologies jo aap production aur manufacturing ke liye use karte hai apne business mein. Isme jo issues aate hai wo hai normally:
Technological obsolescence yaani aap jo technology use kar rahe hai wo outdated ho gayi
ya uska quality ka standard niche hai

Ab baat karte hai Planning flaws yaani business ke planning stage mein ki gayi galati ki jiske kaaran business fail ho sakta hai:

Sabse bade flaws jo hai planning stage mein wo ho sakte hai
1. Unrealistic goals set karna. Yaani aise goals set karna jinko haasil karna practically bahut hi zyaada difficult ho.
2. Koi strict deadlines na rakhna
3. Market aur environment mein dynamic changes jo hote hai unke anusaar apne plans ko change na karna

Ab baat karte hai Personal issues ke jinke kaaran businesses fail ho sakte hai:

Personal issues ko thik se handle na kar paane ke kaaran bhi kaafi businesses fail ho jaate hai. To isme jo galatiyan normally hoti hai wo hai:
1.Personal aur professional issues ko mix karna:

2. Close-mindedness: Aap jab business shuru karte ho to aapke kuch preconceptions ho sakte hai. Lekin ye preconception kaafi baar galat saabit hote hai. To inko sabse pehle to sweekar kariye aur aise mentors dhoondiye jo aapko sahi advice de sake. Books bhi padhiye businesses se related.

3. Procrastination: Jab aap apne boss khud hote hai, to aapko kaafi saare kaam khud se karne hote hai. Kaafi zimmedari uthani padti hai. Lekin agar aapme procrastination ki aadat hai yaani kaam ko kal par taalne ki to ye business mein mehenga saabit ho sakta hai. Apni is aadat ko aapko chodna hoga.

To humne is blog aur video mein samjha kuch aise karano ko jinke wajah se businesses fail ho jaate hai. To aap agar business abhi kar rahe hai ya shuru karne wale hai to in baaton ka dhyaan zarur rakhen. Career Code Hindi channel ko youtube par subscribe zarur kijiye. Dhanyawaad.

Add a Comment

Your email address will not be published. Required fields are marked *