Namaste Mitro, Bharat ek popular tourist destination hai. Aur is wajah se Bharat me tourism aur hospitality industry kaafi grow ho rahi hai. Is industry ko hotel management ke students ki zarurat rehti hai to aaiye aaj aapko hotel management degree ke baare me bataata hu mai. Bachelor of Hotel Management.
Bachelor of Hotel Management ek undergraduate course hai jisme students ko hospitality industry ke related kaafi cheeze sikhai jaati hai jisse students is industry ke alag alag areas ke baare me knowledge paa sakte hai.
Minimum qualification jo chahiye iske liye wo hai 10+2
Selection common entrance test ke zariye hota hai. Test me English, Reasoning, Numerical Ability yaani general maths ke sawaal and General knowledge ke sawaal pooche jaa sakte hai. Iske baad isme group discussion aur personal interview bhi hoga.
Under Graduate Aptitude Test (UGAT) ek famous entrance test hai jo All India Management Association (AIMA) conduct karta hai Bachelor of Hotel management me admission ke liye.
Iski duration kuch colleges me 3 years hai aur kuch colleges me 4 years bhi ho sakti hai
Fees jo hai obviously college to college alag hoga. Ye around Rs. 2 lacs se Rs. 4 lacs ke beech ho sakti hai poore course ke liye ya kuch private colleges me isse kai zyaada bhi ho sakti hai
Kise karna chahiye ye course?
Wo students jinki personality bahut hi pleasing yaani manbhavan hai
Jinko logo se baat karna accha lagta hai
Jinki communication skills zabardast ho
Kin industries me aap jobs paa sakte ho:
Hotel aur restaurants
Airline Catering and Cabin Services
Cruise Ship Hotel Management
Hotel and Tourism Associations
Hospitality services in various MNCs
Catering departments of railways, banks, armed forces, shipping companies etc.
Self employment (as an entrepreneur)
Job ke types kaise honge:
Consultants to hotels
Event Manager or Organizer
Marketing/ Sales Executive
Kaafi colleges placements provide karti hai. Fresher ke liye salary around Rs. 10000 se Rs. 30000 per month ho sakta hai aur ye experience ke saath kaafi badhega.
Bachelor of Hotel management ke baad normally Masters in Hotel Management course accha hota hai aage is industry me aur career growth ke liye
Mitro aage aane wale videos me mai Bachelor of Hotel Management ke top colleges aur uske subjects ke upar bhi ek video zarur banaunga. To career guidance ke liye subscribe agar aapne nahi kia hai ab tak is channel ko to please kar lijiye. Fayde me rahenge aap. Dhanyawaad.
Namaste Mai hu Vicky Shetty, aapka adviser. Mujhe 12 saal ka tajurba hai IT aur Marketing Industry me. Career Code Hindi ke madhyam se mai aapke career me aapko sahi guidance pradaan karna chahta hu.
I am Vicky Shetty, a career adviser. I have an overall experience of around 12 years in IT and Marketing industry. Through Career Code Hindi I would like to share my experience with you and provide you proper guidance.