BA ke baad 11 badhiya career aur courses ke options | BA ke baad kya kare

Ba ke baad kya kare ye confusion kaafi students ke man mein hota hai ki kis field mein aage career banaye ya agar aage padhna hai to kaunsa course kare. Ye duvidha students ke man mein normally to is wajah se hoti hai ki course karte samay unke man mein ye rehta nahi ki aage kya kare. Actually hamare man to yahi chalta rehta hai ki bas ye degree ke 3 saal kisi tarah se nikaal le. Aur hamari education system bhi aisi hai jisme students ko is baare mein zyaada clarity nahi paati hai ki konsa career unke liye suitable rahega. Bhai aap career ke baare mein pehle students ko bataoge tabhi to wo sochke choose kar payenge na ki unhe kya pasand hai. Lekin aap mujhe bataye ki kya career counselling par dhyan dete hai institutes?

Doston is blog aur video mein mai aap logon ki thodi si help karne ki koshish karunga. Aapko bataunga 11 career options jo aap BA ke baad consider kar sakte hai. Waise inke alawa aur bhi options hai jinke baare mein ho sake to mai alag se video banaunga. Aur jo options aapko bata raha hun unme se almost sabhi videos ke baare mein maine detailed videos bhi banaye hue hai jinke link maine description mein diye hai.

Doston lekin aapko apna interest bhi dekhna chahiye. Jo bhi aap field chun rahe ho wo aapko pasand hona chahiye. Warna kuch samay baad aap bore ho jaoge. Waise doston agar aap logon ne is channel ko subscribe nahi kiya hai to jaldi se kar lijiye kyunki yahan par hum aapke liye Career, Courses, Digital Marketing aur web Technologies se related kaafi videos upload karte hai. Aur is video ko poora zarur dekhiye taaki aapko saare options ke baare mein clearly pata chal paye aur koi confusion na rahe. Bas 10 minute lagenge.

To aaiye shuru karte hai:

  1. Pehla field jiske baare mein mai baat karne wala hun wo hai Writing. Agar aapke writing skills badhiya hai to writing mein bhi aap career bana sakte ho. Content writing related jobs aap le sakte ho. Content writing aap kisi company mein as a content writer job lekar kar sakte ho ya phir freelancing projects bhi utha sakte ho. Content writing mein normally blogs ya articles likhne hote hai. Waise Content writing par ek detailed video mai jald hi banaane wala hu. Content writing ke alawa writing mein aur bhi options hai jaise translation work ya transcription work aap kar sakte ho. Agar aap writing mein kaafi creativity kar sakte hai to copywriting ke liye bhi try kar sakte ho. Copywriting mein likhna hota hai lekin advertising ya marketing ke liye jiske wajah se sales badh sake ya conversions ho sake. Waise copywriting career par bhi mai ek detailed video jald hi banaane wala hu.
  2. Government job agar aapko karna hai to uske liye try kar sakte ho aap. Jaise ki SSC CGL wagehra. Haa doston mai jaanta hun ki isme competition bahut hai, kaafi log exam dete hai lekin vacanies kam hoti hai, par aapko try karna hai to kar sakte ho. Acchi tayari karni hogi aapko. Government jobs ke liye kaafi tarah ke vacancies hoti hai jaise Tax assistant. Par meri recommendation ye rahegi ki aap plan B bhi sochkar rakhna, yaani ki government job ke bharose mat rehna. Kaafi baar usme dikkat aa sakti hai jiske kaaran aapko government shayad mil na paye lekin aap nirash mat hona aapke paas aur bhi options hai.
  3. Banks mein as a probationary officer job ke liye try kar sakte ho aap. Isme government banks ke liye ibps examination conduct hota hai jo aapko clear karna hota hai. Probationary officers ka kaam normally hota hai Bank mein customer dealing aur maintenance karna aur regular branch activities ko supervise karna. IBPS ke baare mein aur government Bank mein job kaise paye ispar maine ek detailed video banai hui hai jiska link aap niche video ke description mein dekh sakte hai. Aur IBPS Probationary Officer ke job description par bhi maine video already banai hui hai uska bhi link hai description mein. Private Banks mein probrationary officers ki recruitment ke liye apne alag procedures aur interviews ho sakte hai.
  4. Doston aap IAS, IPS agar aap banna chahte ho to UPSC exam ki preparation karke uske liye appear kar sakte ho lekin doston ye kaafi tough examination hota hai to jabardast focus aur dedication lagega isme. Ye karne se pehle acchi tarah se soch lena ki kya aap isme jis tarah ki padhai chahiye wo kar payenge? Aur IAS, IPS banke aapko desh ke liye kaafi kuch karne ke mauka bhi milta hai.
  5. Journalism and Mass Communication ka option bhi hai aapke paas. Journalism and Mass Communication mein kaafi job profiles hote hai jinke ho sakta hai ki aapke paas skills aur talent ho. Jaise ki reporter, Anchor wagehra. Agar aapki communication skills badhiya hai to try kijiye is industry mein. Iske liye aap directly apne BA ke baad try kar sakte ho ya phir aap chahe to Masters in journalism and mass communication bhi kar sakte ho kisi acche college se aur phir try kar sakte ho. Waise is course ka bhi link hai description mein.
  6. Agar aapko Social Service mein interest hai to isme bhi career banaya jaa sakta hai. BA students Social service ke kaafi aspects se avgat rehte hai kyunki course ke dauraan wo kaafi aise topics seekhte hai jo Social Service field mein madadgaar ho sakti hai. To ye career unke liye suitable bhi hota hai kaafi baar. Lekin aapka interest hona chahiye isme. NGOs join kar sakte hai aap ya kaafi corporates mein CSR activities hoti hai, CSR yaani Corporate Social Responsibility to wahan par jobs ke liye try kar sakte hai. Crowdfunding companies mein bhi try kar sakte hai. Social Service field mein aapko aage padhai karni hai to Masters of Social Work course kar sakte hai aap.
  7. Aage aap agar aur padhna chahte ho to uske liye kuch options aapko bata deta hu:MA kar sakte ho aap aur uske baad UGC NET exam dekar as a professor University mein padha sakte ho. Teaching mein career bana sakte ho aap. Aage jaakar agar mphil ya phd karne ka irada hai to bhi ma kaam ayega kyunki uske liye masters degree chahiye hoti hai, aur ma masters degree hai. Bharat mein kaafi universities bhinn bhinn subjects mein ma course pradaan karti hai. Aapko jis subject mein aage career banana hai usme MA kar sakte hai aur agar phd ya mphil karna hai to jis subject mein phd ya mphil karne wale hai usme ma kare. Education ke field mein career banaane ke liye aapke paas B.Ed yaani Bachelor of Education ka bhi option hai. Haa lekin aapko TET (Teachers Eligibility Test) clear karna pad sakta hai government schools mein padhaane ke liye
  8. Law mein agar interest hai to LLB ke liye try kar sakte hai aap. LLB ka entrance examination aapko dena padega. LLB karne ke baad aap kaafi job profiles paa sakte ho jaise Lawyer,
    Legal Advisor, Public Prosecutor, Attorney, Lecturer etc. LLB ke liye agar aapki communication skills acchi hai aur Legal Research mein acche hai aap to kaafi badhiya rahega. Iska bhi detailed video link niche hai description mein.
  9. MBA ke liye try kar sakte hai. Aap agar BA ke baad Management ki padhai karna chahte hai to MBA entrance examinations ke liye try kar sakte hai. Lekin jaisa ki mai hamesha kehta hu MBA ke liye acche reputed college mein admission aapko mile to karenge to badhiya hoga. Kyunki usme aapko placements acche mil sakte hai. Warna kaafi baar students ko MBA ka utna fayda nahi mil paata. Haan mai jaanta hun ki MBA ke entrance examinations mein bhi competition hai kaafi aur kaafi institutes ki fees bhi bahut zyaada hai. Lekin aap agar acche reputed college ke liye select ho jaate hai aur wahan ki fees bhi manage kar sakte hai to aap iske liye try kar sakte hai.
  10. Company Secretary, Cost Management Accountant ya Chartered Accountant ke liye bhi try kar sakte ho. Haan mai jaanta hu ki aam taur par zyaadatar BA students nahi karte hai ye. Par option hai aapke paas. Tough to rahega ye aur bahut samay dena hoga aapko usme aur saath hi interest bhi hona chahiye unme. Kaafi baar kai students ko bahut attempts lag jaate hai clear karne mein.
  11. Doston agar aapko in 10 fields mein interest nahi hai aur aap soch rahe ki nahi mera man kuch aur karne ka kar raha hai to aap kuch short term professional courses kar sakte hai. Ab short term professional courses ek broad term hai jisme kaafi tarah ke courses aate hai par maine is video mein inhe short term professional courses ke category mein daal diya hai. Par doston aap jo bhi professional courses le usme aapka focus seekhne par hona chahiye. Ye mat sochiye ki bas course kar liya to job mil jayegi. Aapko wo course karne ke baad atleast aapke basics ko clear ho jaane chahiye. To usme agar seekh nahi rahe ho to wo waste bhi ho sakta hai. Isliye aise short term professional courses mein paise daalte samay ye zarur soch lijiye ki kya mujhe isme interest hai aur kya mai ise focus lagaakar seekh paunga?
    Kuch short term professional courses aapko bata du kya? Chaliye batata hu Jaise Agar Digital Marketing mein aapka interest hai to Us par bhi hai video apne paas. Aap aur tarah ke professional courses bhi kar sakte ho jaise creative writing diploma ya Animation mein aapko interest hai to animation related course karke aap animation field mein try kar sakte hai. Animation industry mein kaafi tarah ke job profiles hote hai. Animation industry mein career ke liye ek badhiya video hai hamare paas aur sahi guess kiya aapne, uska bhi link video ke description mein hai. Is tarah se aur kaafi tarah ke short term professional courses hai jaise fashion designing, Web designing etc. bahut saare hai.

To Doston ye 11 options maine aapko bataye hai BA ke baad lekin jaisa ki maine bataya inke alawa bhi aur options hai jiske baare mein koshish karunga ki alag se video banau. To umeed hai aapka thoda to confusion door hua hoga is video ko dekhne ke baad. Milenge next video mein dhanyawaad.

Learn Digital Marketing in Hindi

Government banks me job kaise paye: https://youtu.be/S2HFJXNdMwo
IBPS Probationary Officer’s job description: https://youtu.be/IhD_gCnGo2o
UPSC Civil Services exam details: https://youtu.be/lyrRfoUDaos
SSC CGL full details in Hindi: https://youtu.be/IU8OPkHbopY
SSC CGL Income Tax Inspector’s job profile: https://youtu.be/JGCW_mDUlsY
MBA in Finance full details in Hindi: https://youtu.be/PYGuKg8JlO4
LL.B (Bachelor of Laws) Course details: https://youtu.be/GHhp1F6VSKA
MA in journalism and mass communication course: https://youtu.be/iFFJJwxyUN0
MA in Political Science course: https://youtu.be/43mPKiCwuOM
Diploma in Creative Writing: https://youtu.be/IPLowqq2W2A
Career options in Digital Marketing: https://youtu.be/2ZaXZXy9Ics
Career in Animation: https://youtu.be/2kQJqAFfdBw
CA course all details in Hindi: https://youtu.be/I0owZVW53Eo
CMA course all details: https://youtu.be/0sDw6AUBrFM
CS (Company Secretary) course details: https://youtu.be/8_4f1zYDCCU

2 Comments

Add a Comment

Your email address will not be published. Required fields are marked *