BA in Sociology ke baad kya kare?

Aaj mai aapko bataunga BA Sociology ke baad kya career options hai.

Sociology mein students society ke kaafi saare pehlu seekhne ke baad kaafi career options mein se choose kar sakte hai. Sociology ke students people skills bhi seekhte hai, toh wo aise sectors mein jaa sakte hai jaha wah logo se saath acche se deal kar sakte hai.

Aaiye mai aapko kuch job profiles aur employment areas bata deta hu. Aur phir batata hu ki higher studies ke kya options hai

Pehle dekh lete hai job profiles:

HR Executive
Sociology mein students human behaviour seekhte hai. Yah skill companies ke Human Resource department ke jobs jaise HR Executive mein kaam ayega kyunke HR executives ko employees aur candidates ke saath bahut interact karna hota hai.

PR & Advertising Executive
PR aur Advertising Executive ko apne client ya product ki public view ko promote aur manage karna hota hai jiske liye unko clients aur company executives ke saath deal karna hota hai. Toh unke seekhe hue people skills isme kaam ayenge.

Journalist
Journalist ko news aur articles par research karke likhna hota hai. Sociology ke students ko suit karega yah profile.

Data Analyst
Data Analyst us data ka analysis karte hai jise research aur public relations ke dwaara ikattha kia hota hai.

School Teacher
Waise kaafi schools mein B.Ed. degree ki requirement rehti hai as a teacher kaam karne ke liye. Aap chahe toh shuru mein aise koi school me as a teacher ke liye try kijiye jahan par B.Ed. degree ki requirement nahi hai aur phir teaching ke saath apna B.Ed. kar sakte ho teaching field mein aur growth ke liye.

Sales Executive
Sales profile mein society ke alag alag pehlu ke baare mein samaj aur unki kya zarurate hai uski samaj kaafi kaam aati hai. Aur Sociology course mein aapne yah seekha hota hai.


Social Worker ya Corporate Social Representative
Sociology mein students society ke jo problems aur issues hai unhe samajte hai. Wo chahe toh as a Corporate Social Representative ya NGO Worker Companies me kaam kar sakte hai. Wo NGO ke liye bhi kaam kar sakte hai.

Baaki kuch job profiles hai:
Educator, Researcher, Counsellor, Consultant, Geo Political Risk Analyst

BA in Sociology mein Employment areas hai yah:
PR and Advertising firms
Public Health and Welfare Organization
Private Businesses
Law Firms
International Agencies
Education
Human Resource
Media & Mass Communication

Higher studies ke liye jaana chahte ho to aapko kuch options bata deta hu mai:
MA in Sociology aur phir M.Phil ya Ph.D in sociology kar sakte ho. Iske baad aap research field me jaa sakte ho.
Masters of Social Work – Masters of Social Work ke baad aap Corporate Social Responsibility sector me bhi jaa sakte hai jaha badi companies mein jo social work ka kaam hota hai use aap join kar sakte ho.

Leave a Reply