Namaskar mitro aaj baat karenge B.Sc agriculture ke baare mein.
BSc agriculture ek undergraduate course hai jo Agriculture Science aur Technology par focus karta hai. BSc Agriculture mein production of goods plants ke zariye aur jaanvaron ke paalne ke baare mein bhi sikhaya jaata hai. Isme horiculture bhi sikhaya jaata hai. Isme on farm rural agriculture work experience training aur hands on experience bhi dete hai jo agriculture ke students ko confidence deta hai. Students ko theoretical aur practical tarike se sikhaya jaata hai credit basis par.
Iski duration hoti hai 4 years
10+2 Physics, Chemistry aur Biology ke saath. Kuch colleges minimum marks jaise 50% in subjects mein hone chahiye aise requirement rakh sakti hai.
Kaafi colleges me admission entrance test ke zariye bhi hota hai aur kuch colleges me 12th ke marks ke merit basis par.
Kise suit karega ye course?
Jo candidates aise families se aate hai jisme agriculture unka occupation hai unko suite karega.
Jo lecturer ya scientist banna chahte hai agriculture me.
Jinki observation, communication, aur organizing skills acchi hai.
Jinka mind analytical hai aur jo research kar sakte hai. Lambe samay tak kaam kar sakte hai.
Is course ke fayde kya hai?
Aap central aur state government ministires aur departments me employment ke liye try kar sakte hai.
Aap as an agricultural managers ya inspectors job paa sakte hai farm related companies me.
Aap apna khud ka business setup kar sakte ho jaise farming, plantations, fisheries, mining etc.
Namaste Mai hu Vishy Shetty, aapka adviser. Career Code Hindi ke madhyam se mai aapke career me aapko sahi guidance pradaan karna chahta hu apne experience se.
I am Vishy Shetty, a career adviser. Through Career Code Hindi I would like to share my experience with you and provide you proper guidance.