Career & Courses

B.Com vs B.Com (Hons.) Difference kya hai? Kaunsa chune?

Mitro aaj mai aapko bataaunga ki B.Com aur B.Com (Hons.) me antar kya hai? Ek request hai aapse ke is video ko please end tak dekhiye warna ho sakta hai ki aap koi galat dhaarna bana le ya koi galat conclusion nikal le is video ka.

Commerce students kaafi baar confuse ho jaate hai in dono me se kaunsa course wo chune. Dono hi courses mein aapko commerce ke subjects sikhaye jaate hai. Aaiye pehle mai aapko dono ke differences bata deta hu aur baadme aapko bataunga ki kis student ko kaunsa choose karna chahiye.


Course Structure:
B.Com jo hai wo 3 saal ka undergraduate course hai jisme commerce se related subjects hote hai. Ye course commerce ke saare aspects mein students ko foundation provide karta hai.

B.Com hons course jo hai wo bhi 3 saal ka undergraduate course hai. Kaafi saare subjects B.Com hons me same hote hai par uska structure kuch aisa design kia gaya hai ki students ko business skills bhi sikhaye jaye.

Eligibility criteria :
Zyaadatar colleges mein dono ki eligibility criteria bhi same hai jo ki hai 10+2 ya uske equivalent. Waise kaafi colleges mein B.Com Hons. available nahi hota hai.

Course content:
B.Com mein sabhi commerce subjects ka overview dia jaata hai. Par B.Com mein students kisi ek subject mein specialize nahi kar sakte hai.
B.Com Hons mein students kisi ek subject me specialize kar sakte hai. Students final year mein apna specialisation subject chun sakte hai jaise for example Accounting ya Economics.

Admission:
B.Com aur B.Com Hons. dono mein hi admission 12th ke results ke merit basis par hota hai par B.Com Hons ke cut-off high hote hai prestigious colleges mein. Jaise Delhi University ke kuch colleges mein B.Com (Hons) ke liye bahut competition hai. Waise B.Com Hons ke liye kuch colleges mein entrance examination bhi ho sakte hai.

Market Value:
Dekhiye ye depend karega ki aap kis college se B.Com ya B.Com Hons karte ho. B.Com Hons ki market value thodi zyaada hai lekin lekin agar aap kisi reputed college se B.Com Hons. karte hai toh. Agar aap kisi prestigious college se B.Com Hons. karte hai toh beneficial hoga kaafi. Agar aapko B.Com Hons. ke liye koi reputed college mein admission nahi mil raha hai to aap kisi reputed college se B.Com ke liye try kijiye.

Ab aapke man me hoga ki dono mein se kaunsa chunna chahiye. Dekhiye agar aapko B.Com Hons. ke liye kisi reputed college mein admission mil raha hai toh B.Com Hons kijiye par agar aapko B.Com ke liye kisi reputed college me admission mil raha hai to B.Com kijiye. Kaafi reputed colleges mein B.Com Hons. available nahi hota hai toh aise mein agar aapko waha par B.Com ke liye admission mil raha hai toh aapko kar lena chahiye kyuki mere khayal se bahut hi average college se B.Com Hons. karne se toh accha hai ki aap kisi reputed college se B.Com kar lijiye.

Toh ye saari cheezein jo hai in par bhi depend karti hai ki kis college se aap kar rahe ho. Koi aisa hard and fast rule nahi hai ki yeh kia tohi accha job milega. Accha job aapko dono mein mil sakta hai lekin probablity jo hai na wo zyaada ho jaati hai acchi salary milne ki agar aap reputed college se B.Com Hons. karte ho. Lekin agar cut-off ki wajah se reputed college mein B.Com Hons. ke liye admission nahi mil raha hai to B.Com kar sakte ho reputed college se. Aur agar dono ke liye bhi reputed college me admission nahi mil raha hai to aap check kijiye ki aapko aapke merit ke basis par kis college mein admission mil sakta hai.

Koi bhi college mile aapko nirash hone ki bilkul bhi zarurat nahi hai kyuki ek baar jab aap job karne lag jaate ho phir toh aapki communication aur technical skills (matlab job related skills) zyaada important ho jaati hai. Toh aap apne communication aur technical skills ko develop karte rahiye. Uske basis par phir aap acchi salary demand kar sakte ho.

Leave a Reply