5 mistakes in lead generation | Lead generation ki 5 galatiyan

Is video mein hum jaanenge kuch aisi galatiyon ke baare mein jo lead generation mein ho jaati hai marketers se jinki wajah se business ko bahut nuksaan ho sakta hai.

1. Aap Deceptive marketing tactics ka istamaal karke leads generate kar rahe hai-
Aaj kal executives ya agents kuch mistakes kar baithte hai. Jaise ki ho sakta hai wo deceptive marketing ka istamaal kare. Deceptive marketing yaani ki customer ko kaha kuch aur par actual mein kiya kuch aur. Deceptive marketing tactics ka istamaal mat kijiye leads generate karne ke liye. Logon se jhoot bolkar galat tarike se forms mat bharwaiye. Agar aapne aisa kiya to ho sakta hai ki aap logon se forms bharwa lo, par jab aap unko contact karoge tab unse aapko positive response nahi milega. Aur aapka time waste hoga.

2. Aap internet se lead khareed rahe hai ya koi lead program khareed rahe hai. Par organically leads generate nahi kar rahe
Dekhiye mai jaanta hu ki jab leads generate karna mushkil hota hai aapke liye tab aap, email lists ya contacts khareedne ka sochte ho. Lekin is tarah se desparate hokar leads khareedna aapko long term mein nuksaan de sakta hai. Jab aap leads ke liye pay karte ho chahe aap use kisi bhi tarah se khareed rahe ho wo aapko kaafi mehenge gir sakta hai. Aur chances hai ki usme se kaafi email ids wagehra aise ho jo aapke kaam ke na ho. Yaani unke aapke customer banne ke chances bilkul na ke barabar ho.

Aapko logon ke details organically generate karne chahiye jaise aap jo valuable content unko doge uske badle wo apna information aapko denge. Valuable content ho sakte hai webinar, event, offers wagehra.

3. Aap apne blogs ka istamaal nahi kar rahe hai leads generate karne ke liye
Kaafi marketers blogs ka poora advantage lete nahi hai leads generate karne ke liye. Aapke blog par jo traffic aa raha hai aapko use covert karna hoga leads mein. Iske liye aapko blogging consistently karni hogi. AUr long term mein aap iska fayda dekh payenge. Aap dekhenge ki kaise aapke purane blog posts bhi aapke liye leads lekar aa rahe hai. To aapke har blog post mein lead generate karne ke liye call-to-action daalne ki koshish kare. Call-to-action yaani ek button hoga jo redirect karege user ko aapke product ke landing page par ya aise landing page par jahan aap unko free content de rahe hai jaise webinar, whitepapers, checklists etc.

4. Aapke forms bahut chote hai ya to bahut lambe hai
Agar aapke forms bahut chote hai to kaafi log aapke forms fill kar sakte hai lekin isme bhi ek problem hogi. Wo ye ki jo leads aapke forms fill karenge un leads ki quality utni high nahi hogi. Agar form chota hone ki wajah se aapne kuch important details nahi liye to aapko filtered leads nahi milenge. Yaani ki aap unko call karoge aur pata lagega ki wo aapke product ke liye qualified hi nahi hai ya interested nahi hai. Aur agar aapka form bahut lamba hai to isme bhi ek problem ye hai ki ho sakta hai ki itna lamba form dekhkar log ise na bhare.

To kya karna chahiye is case mein? Dekhiye aisa koi hard and fast rule to nahi hai forms ke size ka lekin aapke goals ke anusaar aapka form hona chahiye. Aap ye sochiye ki aapko zyaada leads chahiye ya quality leads chahiye. Apni sales team ke saath milkar forms create kijiye aur ye decide kijiye ki kause fields hai jo bahut hi zyaada important hai aur us anusaar ek medium sized form create kijiye.

5. Aap social media ka thik tarah se use nahi kar rahe hai leads generate karne ke liye
Social media aapke liye kam kharche mein leads generate karwa sakta hai. Agar social media se aapko zyaada leads mil nahi rahe hai to aap shayad thik se social media ka use kar nahi rahe hai leads generate karne ke liye. Social media par aap jo posts daaloge use apne landing page se link zarur kijiye. Aapke posts valuable ho iski bhi koshish kare.

To doston ye thi kuch galatiyan jo marketers karte hai leads generate kar waqt. To aap inko avoid kijiye taaki aapke business mein fayda ho. To video acchi lagi to like kare aur share kijiye sabke saath. Mai milunga aapko next video mein jald hi. Dhanyawaad.

Add a Comment

Your email address will not be published. Required fields are marked *