अपने field की salary कैसे पता करें?

Mitron aaj mai aapko bataunga ki aap kaise industry mein jo salaries mil rahi hai uske baare mein pata kar sakte ho.

Kaafi log apne skills, job profile aur experience ke hisaab se average salary ya maximum salary janana chahte hai. Ye pata karke wah ek andaaza laga sakte hai ki unke profile ke liye average salary kya chal rahi hai industry mein. Aaiye aaj aapko mai batata hu ki aap kaise yeh salaries kaise pata kar sakte hai.


Do websites kaafi famous hai is cheez ke liye:
glassdoor.com
payscale.com

In dono websites ke applications bhi available hai jo aap apne mobile par download kar sakte ho.

Glassdoor ki website par aap salaries section me jaaiye. Job title aur apna location enter kijiye.

Jaise ki maine for example yahan financial analyst enter kia aur location dala India. Search par click karne par mujhe Fiancial analyst ki average salary dikh rahi hai. Green color ke graph me yaha low aur high salary bhi show ho raha hai.

Thoda neeche scroll karne par aap payenge ki Companies ke naam ke anusaar bhi salary show ho rahi hai. Ye data jo hai wo in companies ke employees ne daali hoti hai. Isme aur bhi filters laga kar aap search kar sakte ho jaise years of experience ityadi. Toh company wise bhi aap average, low aur high salaries pata kar sakte hai. Mitron waise isme se kitna data sahi hai yeh kahna mushkil hai lekin aapko ek basic idea mil jayega ki industry mein kitne experience par kitni salary mil rahi hai aapke field mein. Sure hone ke liye 2-3 websites ki data check kar lijiye.

Toh mitro umeed hai aapko yah information kaam ki lagi. Toh ise share zarur kijiye aur subscribe kar lia hai na?

Leave a Reply