All posts by CODE Hindi

Daad se bachne ke upay. How to prevent ringworm?

Daad se bachne ke upay. How to prevent ringworm?

Subscribe kar lijiye code hindi ko naye videos ki updates ke liye.

Daad se bachne ke upay. How to prevent ringworm?

Aaj CODE Hindi me prastut hai health related information.
hamaare pichle video me hamne daad ke 6 saral gharelu upay bataaye the jo kaafi logo ke kaam aya. Aur bahut se logo ne hame comment kia ki wah jaanna chahte hai ki bhai mera daad wapas aa jata hai. Mai ise wapas aane se kaise roku? To isiliye maine yah video banaya jisme mai bataunga ki daad ko aane se kaise roke.

1. Jin jaanvaron ko daad hai unhe haath na lagaye: Kaafi baar ham paaltu janwaro ke saath khelte hai ya haath sehlaate hai par hame pata nahi hota ki unhe ringworm yaani daad hai. Isliye agar jaanwar me ringworm ke lakshan ho jaise unke baal nikal rahe ho. ya skin affected to to unko haath na lagaye.

2. Garmiyon me Kadak kapde jyaada der tak na pehne. Kadak kapde pahane se jyaada pasina aa sakta hai aur yah fungal ko badhayega. Jyada pasina sokne se bache. Jaise kaam par jaate waqt jyaada pasina aa gaya to pura din ham us pasine ko dho nahi sakte. Sirf chehre ko dho sakte hai. Isliye aise time par jyaada pasina aane se bache. Apni twacha ko sookha rakhiye jitna ho sake.

3. Swachta rakhe: Apna haath dhote rahe taaki infection phaile na. Socks aur underwear kam se kam din me ek baar to badaliye. Common area ko clean rakhiye jaise gym, bathroom, locker room ityadi. Khel khood ke baad halka sa snaan zaroor kijiye.

4. Personal cheeze dusro se share mat kijiye: Jaise towel, kapde, kangi dusro ka istamaal na kare aur apna dusro ko istamaal karne bhi na de.

5. Agar aapke pairo me daad hai to underwear pehene se pahle socks pahan lijiye taaki fungus aapke pairo se jhaang tak na pahunch paaye. Nahate samay bhi pairo ko aakhir me saaf karen towel se.

Yeh sab cheeze karne se aap daad se door rahenge. Aur agar aapko already daad ho gaya hai to hamare daad se related pichle video me daad ke 6 saral upay me se koi ek upay kar lijiye. Link maine niche description me diya hai. Daad zarur jayega. Jeevan ki jaankaari se bahpoor videos ke liye subscribe kar lijiye is channel ko dhanyawaad.
Link of previous video on ringworm : Daad ke 6 saral gharelu upay

apne resume me experience gap kaise fill karen?

apne resume me experience gap kaise fill karen?

resume me experience gap yaani wo period jab aap naukri nahi kar rahe the jiski wajah se aapko kaafi problem aa sakte hai interview me. Inteviewer yah baat zaroor poochte hai ki aapke experience me gap kyu hai agar wah gap 2 mahine se jyaada hai to. Iska jawab acche se dena bahut zaruri hai interview me. Aaiye aapko kuch tarike bataate hai jisse aap is situation ko sambhaal sakte hai.

1. Doosre activities ke baare me sochiye jo aap daal sakte hai us period ke liye:
Jaise aap koi freelance project kar rahe the. Ya apni education continue kar rahe the. Ya koi course kar rahe the. Ya apni family business sambhaal rahe the emergency ke karan.

2. Kuch mahino ka gap jyaada problem nahi create karega:
Agar gap kuch mahino ka hai jaise 3-4 mahine to ho sakta hai ki interviewer iske baare me na pooche par aap iske liye bhi ek jawaab tayaar karke jaana.

3. Yakin dilaiye ki aap industry se up to date hai:
Gap ke kaaran aapki knowledge me kami nahi aani chahiye. Aisa kahiye ki us dauraan bhi aap apni field ke baare me padh rahe the aur up to date the.

4. Agar aap kisi aisi kaaran ki wajah se job nahi kar rahe the jaise family ko sambhal rahe the, ya koi bimaar tha isliye to sach bataane me koi problem nahi hai. Isme aapko sorry hone ki bhi koi awashyakta nahi hai kyuki yah naseeb ke kaaran hua hoga usme aapki koi galati nahi hai.

Interview me eye contact zaruri hai

Interview me eye contact zaruri hai

Interview me body language bahut zaruri hai. Aapke face ke expressions aur aapki eye contact bahut zaroori hai. Kahte hai ki 80% aapki eye contact hone chahiye interviewer ke saath. 20% aap dusri taraf dekh sakte hai kyuki lagaataar hame kisi ko dekhenge to aisa lagega ki ghoor rahe hai.

1. Yah dikhaata hai ki aap confident ho:- Agar aap jawaab dete samay apne joote ko dekh rahe hai ya idhar udhar dekh rahe hai to interviewer ko aisa lagega ki aapko jawaab sahi se aata nahi hai aur aap bilkul bhi confident nahi ho jisse aapka bahut kharaab impression padta hai.

2. Yah dikhaata hai ki aap imaandaar ho:- Agar aap acche se eye contact karenge apne interviewer ke saaath to unko lagega ki aap jo bol rahe ho wah sach bol rahe ho.

3. Yah dikhaata hai ki aap job me interested ho: Agar aap baar baar idhar udhar dekhoge ya fir achanak se ajeeb tarike se doosri taraf dekhoge to interviewer ko lagega ki aap timepass ke liye interview dene aaye ho aur aapko is job me jyaada koi interest nahi hai. Acchi eye contact se lagega ki aap serious ho is job ke liye.

4. Yah dikhaata hai ki aap ki commnunication skills acchi hai: Agar aapke job me client se meeting wagarah karni hoti hai to fir yah skill honi hi chahiye. Kyuki client meeting ke waqt aapko acche se commnuicate karna hota hai aur usme eye contact bahut mahatavpoorna hai.

Smile kijiye. Dhyaan se Suniye jo interviewer kah raha hai.
Agar interviewers ek se jyaada hai to jawaab dete samay unse eye contact kijiye jisne aapse sawaal poocha ya phir agar aap dono jo jawaab de rahe hai

ghooriye mat:
Eye contact ko friendly tarike se istamaal kijiye. Acche eye contact aur ghoorne me kaafi antar hota hai. Jawaab dete samay sir hilaye apne face expression ka acccha istamaal kijiye

20 English words jo aap shayad galat pronounce karte hai

Sahi english pronunciation ka fayda interviews, public speaking, meetings me hame ho sakta hai. Isliye yah bahut zaruri hai mere dost. Mere saath CODEhindi par seekhiye English. English me kuch pronunciations ko samajne me dimag ki dahi ho jaati hai kyuki spelling kuch aur kahti hai aur actual pronunciation kuch aur hota hai, par practice se ise hum seekh sakte hai. Isi liye to bhai English is a funny langauge. Aiye dekhte hai 20 aise words jo shayad aap sahi tarike se pronounce nahi kar rahe. Pronounce ka matlab hota hai uccharan. Kaafi baar jaisa ham likhte hai ham waisa hi bol dete hai par aisa nahi karna hota. Kuch words ko alag tarike se pronounce kiya jaata hai. Aur ham wahin galati kar baith te hai. Ek tip deta hu? Shuruwaat me agar aapko in words ko pronounce karne me dikkat ho rahi hai to ek toffee mu me rakhiye, thodi aasaani hogi.

20 English words jo aap shayad galat pronounce karte hai

Kahin aap ise chheos ya cows to nahi kahte. Proper pronunciation hai chae-os. Sahi kahne ka maza hi kuch aur hai na yaar. Chaos. chaos ka matlab hota hai hindi me arajakta. complete disorder or confusion. Jaise kahenge Heavy rainfall caused chaos in the city.

Pizza – Kaafi log ise pi-zza kahte hai aur mere kuch dost to hadh hi kar dete hai ise pi-jja kahke. Khair mazak thoda side mein. iska sahi pruniciation hai pitt-saa. I like cheese pizza.

Coupon – Ab kaafi log ye mistake karte honge. coopan nahi cu-pawns. coupon yaani jaise koi voucher waghera. I got a coupon from the website.

Women – kaafi log ise woo-men pronounce karte hai jo ki galat hai. ise kahna chahiye a wih-men. Today is women’s day.

comfortable – ab kaafi log comfor-table kahte hai par sahi pronunciation hai kum-fur-tbl. comfortable. a par jyaada zor nahi dena hai. I am not comfortable sitting on this chair. comfortable. bhai english bolne ki ek style hoti hai na.

recipe – Agla word jisme galti ho sakti hai wo hai recipe. kuch log ise receeps pronounce karte hai. ye hai recipe…re-cee-pee. Can you give me the recipe of that dish?

breakfast – Bhuk lag gayi bhai sunke. kaafi log ise break-faast pronounce karte hai. break-faast nahi brek-fst kahiye. break aur fast me jo a hai use utna jyada zor nhia dena hai. I am about to have my breakfast.

lingerie – Ab aap apne baal na nochiye ye kahke ki bhai iska pronunciation aise kaise ho sakta hai. Spelling se iska pronunciation pata karna mushkil hai. ise leenjeri nahi pronounce karte hai. Ise kahte kuch is tarah lawn-jery. Lingerie. Yaani women’s innerwear.

pronunciation – kuch log ise pro-noun-ciataion kahte hai par ise pro-nun-ciation kahna hota hai. Halaaki jab ham pronounce word kahte hai tab noun aise kahte hai. jaise I cannot pronounce this. Par pronunciation ko aise nahi kahte hai. To kahiye pronunciation.

Entrepreneur – kuch log ise entre-prener kahte hai jo ki galat hai. ise kahna chahiye Aan-tra-pre-neur. I want to be an Entrepreneur. Dekhiye thoda bahut difference thik hai bolne me par ek dum jyaada difference na ho.

chocolate – Ye to bohot logon ki favourite cheez hai. kuch log ise cho-co-late pronounce karte hai. Par pronounce karna chahihye chok-late. chok-late. Give me some chocolates

et cetera- et cetera yaani waghera waghera. abe ise kuch log ex-cetera kahte hai par asli pronunciation hai et cetera. jaisa likhte hai waisa bolte hai.

Elite- kaafi log ise el-light kahte hai. par kahna chahiye eh-leet. Ye silly mistake hai jo ho sakti kaafi logo se. Elite kahiye. He is an elite indian soldier.

Calcium – hum me se kaafi ise cal-shium kahte hai. maine to kaafi acche english bolne waalo ko bhi ise cal-shium kahte hue dekha hai par sahi uccharan hai cal-see-um. Milk provides calcium to the body.

espresso – ye ek coffee ka type hai. Kaafi log ise expresso pronounce karte hai. par sahi pronunciation hai es-presso. Toh agli baar jab coffee shop me jao to kahna bhai mujhe espresso dena.

athlete – kaafi log ise ath-e-lete pronounce karte hai par sahi pronunciation hai ath-lete..ath-lete. athlete yaani sportsperson. jaise kahenge He is a good athlete.

buffet- kaafi log ise buf-fet kah dete hai. Bhai ye warren buffett wala buffett nahi hai yaar. bu-fay kahna chahiye. Buffet.

wednesday – kaafi log ise wed-nes-day pronounce karte hai kyuki iski spelling aisi hai par iska asli pronunciation hai wens-day. I will take a leave on wednesday. To doston kahiye wensday.

almond – yaani badaam jo dimaag ko tez karta hai. khaate to sab hai par pronounce kaafi log galat karte hai. al-mond nahi kahna. ise kahte hai ah-mund. L silent hai isme. haan bhai kaha to sahi English is a funny language.

Debris – iske spelling ki wajah se kaafi log ise galat pronounce kar dete hai. ye deb-ris nahi isko deb-ree kahte hai. debris yaani malba.

Doston ham aapke liye har hafte english lessons ke videos laate rahenge. Taaki hum sabki english aur behtar bane. Is video ko dekhne ke baad practice zaroor kijiye. Subscribe kar lijiye code hindi ko aage aane wale vidoes ki notification ke liye dhanya wad.

Body language kaise improve kare

Body language kaise improve kare

Har Roz sirf 5 minute aap codehindi ke channel par bitaiye aur apni life me sudhaar laaiye.

Body language kaise improve kare

Body language bahut zaruri hai. Kabhi Kabhi Kisi se baat kiye bina bhi aap andaaz laga lete hai ki wah vyakti kaisa hoga. Uske body language dwaara. Aaj aapko mai kuch aisi body language ki advice dunga jisse aapko jeevan me logo se baat karte waqt kaafi fayda hoga. Doston body language improve karne se aapko hairan karne waale result mil sakte hai aapki life me. Ye choti choti cheeze hai par jab aap isse ek aadat bana lete hai to bahut aasaani se aapko job, business aur personal life me logo se baat karne me ya meetings me fayda hota hai.

1. Jeb me haath mat daaliye. Haatho ko aise fold bhi mat kijiye baar baar. Isse lagega ki aap bahut defensive ho rahe ho aur aapme confidence ki kami hai. Isliye haatho ko normal tarike se bahar rakhiye aise.

2. jhukiye mat. aaj kal computer ke istamal se ham baithte jyaada hai aur khade kam rehte hai. Jiski wajah se hamara posture kharab ho sakta hai. Hamesha seedhe baithiye aur khadi bhi seedhe rahiye. Seedhe dekhiye. Na upar na neeche. Agar aap seedhe nahi khade reh paa rahe to exercise kijiye jaisa yoga ya gym. Isse aap apna posture yaani khade rehna ke tarike me sudhaar laa sakte hai. Aapna seena yaani chest taan ke khade rahiye. Bahut jyaada nahi par itna ki jisse aap jhuke hue na lage.

3. Eye contact: Iske baare me to maine apne aakhri video Eye contact me bataya hai. 80% aapki eye contact hone chahiye interviewer ke saath. 20% aap dusri taraf dekh sakte hai kyuki lagaataar ham kisi ko dekhenge to aisa lagega ki ghoor rahe hai.

4. Smile kijiye par bahut jyaada nahi: Agar aap daath phaad kar smile karenge hamesha to lagega ki aap bahut nervous ho. Isliye smile kijiye par bahut jyaada nahi. Halki si smile. Haan agar ho bahut bada joke maara ho kisi ne to phir jyaada hasme me dikkat nahi. Par hamesha nahi warna lagega ki nakli smile hai.

5. bahut jyaada tej mat chaliye: jab aap bina kaaran bahut jyaada tej chalenge to lagega ki aap bahut nervous ho. Is liye khaas mauko par jaise interview ya party me dheere se chaliye. Bilkul normal lagni chahiye aapki walk.

6. Dono pairo ke beeche me khande jitna gap rakhiye: Khade rehte waqt pairo ko ekdum chipka ke mat khade rahiye. Isse lagega ki aap dare hue hai. Thoda space rakhiye. aapke dono pairo me itna gap hona chahiye jitna aapka kanda hai. bahut jyaada bhi space mat rakhiye warna ye attacking body language ho jaati hai.

Salary me increment paane ke kuch tarike

Salary me increment paane ke kuch tarike

Appraisal ke waqt kaafi log nirash ho jaate hai kyuki unhe lagta hai ki unki performace ke comparision me unhe salary increment kam mili hai ya fir promotion nahi mila. Aaj mai aapko aisi kuch adivce dunga ki jisse aap salary increment paa sakte hai.

Sabse pehle to aap sochiye ki aapne poore saal me kya kiya hai. Fir uski ek list banaiye kyuki poore saal me kiye gaye kaamo ko yaad rakh paana thoda mushkil hai.

Salary me increment paane ke kuch tarike

Apne manager ya boss ko apni kiye gaye kaam aur unke results ke baare me bataaiye: Kaafi baar managers apne kaamo me busy rehte hai jiske kaaran wah aap par dhyaan jyaada nahi de paate. Isliye agar aapne accha bhi perform kiya hoga to unko pata nahi chal paata. Isliye apni achievement ke baare me apne boss ko bataane me sharmiye mat. Kyuki kabhi kabhi baat karne se hi baat banti hai. Unhe kahiye ki aapne pichle ek saal me kya kya kaam kiya hai aur aapne kya zimmedari uthaayi hai.

Agar aapne aisi koi problem ko solve karne me madad ki hai jisse aapki team ko ya company ko fayda hua ho ya phir uski wajah se kaam fast ho gaya ho to use bataane me chukiye mat.

Ho sakta hai aapne training di ho. Training dena bhi perform karne jaisa hi hai. Aap training dete waqt doosro ko gyaan dete ho jiske liye communication skills acchi hona zaruri hai. To agar aapne training di hai to ya bhi aapke performance me count hoga. Isse zaroor bataaiye apne boss ko appraisal meeting me.

Yaad rakhiye company sabse pehle apna fayda dekhti hai aur baadme aapka fayda. Isliye aapko hi proactively apne aap ko aise present karna hoga ki aap apni company me ek mahatvapoorna bhoomika nibha rahe ho.

Industry standard ke hisaab se increment maangiye. Industry standard yaani aapki field me aur aapki company jis field me hai usme har saal kitna increment milta hai. Jaise kuch companies me average performer ko 10% aur bahut accha perform kiya to 15 ya 20 % increment milta hai. Toh aap increment maangne se pehle internet par is baat ka research zaroor kar lijiye.

Increment sahi samay par maangiye: Agar aapki company loss me hai aur aap us waqt increment maangoge to salary badhne ke chances bahut kam hai par agar aap us waqt increment maangoge jab comapny fayde me hai ya koi naya bada project unhe mila hai to chances bahut jyaada hai ki aapko increment mil jaye. Toh aapko agar aisa lagta hai ki yah waqt company ke liye kaafi bura chal raha hai to thoda intazaar kar lijiye. Yaad rahiye hathoda tab hi maarna chahiye jab loha garam ho.

Akhir me yahi kahunga ki salary badhaane ke liye apni personal problems ka zikr mat kijiye jaise aapko behen ki shaadi karwaani hai, ya aage ki padhaai ke liye paise jama karne hai wagahra wagahra.

AngularJS Modules

AngularJS Modules:
AngularJS modules application ko yah bataata hai ki yah ek angularjs ki part hai.

Hum angular.module ke zariye application ko is tarah define kar sakte hai kuch is tarah
<div ng-app=”AppName”></div>

<script>

var app = angular.module(“AppName”, []);

</script>

ab aap apne is angular application me controllers, directives, filters, wagahrah wagahrah add kar sakte hai. “AppName” se pata chalta hai ki is html element me angular ka yah application run hoga.

5 cheeze youtube par zaroor seekhen

5 cheeze youtube par zaroor seekhen

Jab hame koi cheez nahi aati to hum uska hal online dhoondhe ki koshish karte hai. Par youtube ke hone se aap seedhe seedhe video ke zariye jald koi bhi cheez seekh sakte hai. Aur ab to jio ke aane se internet bhi sasta ho gaya hai. To phir sankoch kyu?

1. Tie kaise baandhe
Hum me se kaafi logo ko tie baandhana nahi aata. Hum yah sochkar isse seekhte nahi ki koi na koi to hoga jise aati hogi toh kyu seekhen. Par agar kabhi khaali samay mile to yah skill youtube par seekh lijiye. Agar aap ki job par tie aniwaarya hai to phir jald seekh lijiye youtube par.

2. Driving
Car driving bhale hi bina car me baithe seekh nahi sakte par atleast use samajh to sakte hai. Pehle car driving ki video dekhiye kaafi baar. Phir ek coach ke zariye seekhiye. Isse hum jaldi seekhenge. Aur apne coach ko bata bhi sakenge agar wah koi cheez nahi seekha rahe.

3. Thik tarah se exercise kaise karen
Ji haan Exercises to hame aate hai par kabhi kabhi kuch exercises hum aadat ki wajah se galat karte jaate hai bina dhyaan diye. Isliye video ke zariye seekh lijiye.

4. Shirt kaise fold karen:
Hamme se kaafi log shirt ko usi tarah fold karna chahte hai jaise shirt ki dukaan me dukaandar karta hai par kar nahi paate. Video ke zariye seekh lijiye.

5. Career ka decision lena
Ek zamana tha jab career me kya karen ye bataane ke liye logo ki kami pad jaati thi. Aaj to youtube ke zariye khud hi ham yah faisla le sakte hai. Aur CODE hindi se bada madhyam konsa hai iskeliye. Thodi promotion hamne khud ki bhi karli isme 😀

MBA in IT ya phir MCA?

MBA in IT ya phir MCA? kya kare?

MBA in IT ya phir MCA?

MBA in IT aur MCA dono hi masters degree program hai. dono me se ek choose karna kaafi confusing ho sakta hai students ke liye. MCA 3 saal ka hota hai aur MBA in IT 2 saal ka hota hai agar full time kia jaye. Part time me 3 saal bhi lag sakte hai.

MCA karne ke baad students technical profiles ke liye tayar ho jaate hai jaise web developer, software engineer, programmer, designer, system analyast, software tester aur dusre IT related jobs. In jobs me students acchi khaasi salary package bhi paa sakte hai.

wahin MBA in IT me students ko IT field me management positions ke liye tayyar kiya jaata hai. unhe IT ke baare me bhi sikhaya jaata hai par management subjects ke saath me. Usme management subject jyaada hote hai. MBA in IT un logo ke liye accha hai jo aage jaakar Project Manager, Program Manager, IT Manager jaise profile paana chahte hai. Isme bhi salary package kaafi acchi hoti hai.

To phir kya choose karen? MBA in IT ya MCA
Iska jawaab aapke andar hi hai. Aap dekhenge ki salary package me jyaada fark nahi hai. Aapko decision aapke skills aur interest ke anusaar lena hai.

Agar aap technology ki taraf jyaada interested hai aur apna career programming, software development, technical architecture jaise technical field me banana chahte hai to aapko MCA choose karna chahiye. MCA karke aap aage jaakar technical architect jaise post paa sakte ho. To agar aap jyaada technical ho aur usi me continue karna chahte ho to MCA choose karlo.

Aur agar aap management me jyaada interested hai par technical me thoda kam aur aap me leadership qualities hai ya phir aap aage jaakar khudka business open karna chahte hai to MBA in IT choose karlo. Par dhyaan rahe ki MBA ke liye Institute agar acchi reputed hogi tab hi jyaada fayda hoga. MBA in IT me aap aage jaakar managerial positions jaise Project Manager paa sakte ho.

Umeed hai ab ye confusion door ho gayi hogi.

Subscribe karlo CODE hindi ko career se jude information paane ke liye. aur koi sawaal ho to comments me zarur likhe ham jald jawaab denge.