Time manage karo aise 2019 mein


Aaj ek aise topic par baat karunga jiski problem kaafi logon ko hai. Time waste karne ki problem ya time manage na kar paane ki problem. Kuch aise tips dunga aapko jisse aap apne time ka sahi istamaal kar sakoge. Par usse pehle agar aapne is channel ko subscribe karke bell icon press nahi kia hai toh kar lijiye kyunki ispar aapko career aur courses se related saari jaankari milti rahegi.

1. Bahut zyaada socho mat:
Bahut zyaada sochne ki aadaat ham sabhi ko life mein kabhi na kabhi toh hoti hi hai. Itna sochne lagte hai ki karne ke liye time hi nahi bachta. Kaafi baar kisi bahut choti si baat ko sochne se shuru karte hai aur na jaane kya kya sochne lagte hai aur aise hi bahut ghante waste kar dete hai. Thik hai bhai ab tak jo hua so hua, aage se aisa mat karna. Tum apne dimaag ke maalik ho wo kya sochta hai kab sochta hai kitna sochta hai tumhare control me hona chahiye. Jab tumhe aisa lagne lage ki tum bahut soch rahe ho tab bas apne man ko observe karo, wo apne aap us cheez ko sochna band kar dega.

2. Deadline tay karo:
Kaafi log bina deadline ke apna kaam time par khatam nahi kar paate. Kaam ko taalte rehte hai kal par. Dekhiye kaafi baar aisa hota ki aapki paas bahut samay hota hai kisi cheez ko karne ke liye. Lekin phir bhi hum use complete kar nahi paate hai. Kyuki uski koi deadline nahi hoti hai. Kabhi bhi kar lenge to chalega lekin wo kabhi bhi bahut baar aata nahi hai. Hum us time ko game khelkar waste karenge, ya tv dekhkar ya mobile par social media ke posts dekhkar par waste zarur karenge. Haan mai maanta hu ki kuch logon ko deadline ki zarurat nahi hoti hai wo bina deadline ke hi kaam ko sahi samay par complete kar lete hai par kaafi logon ko hoti hai zarurat. Par deadline ko apni aadat mat bana lena. Shuru me deadline ke mutabik kaam complete kar lena aap seekhlo aur jab aapki time management isse thik ho jaye to phir koshish karo ki bina deadline ke kaam sahi samay par complete kar sako.

3. Apni priorities tay karlo:
Bahut baar hame pata hota hai ki ham jo kar rahe hai wo utna important nahi hai aur jis kaam ko ham taal rahen wo zyaada important hai lekin phir bhi ham us kaam ko priority nahi dete. Aakhir kyu? Kyuki ham behoshi me jeete hai bahut baar. Dhyaan se jeena seekho. Observe karo apne man ko. Kya chal raha hai tumhare dimag me usse khud hi dekho aur jab dekhoge aur jaan jaoge ki tumhara man tumse kya karwa raha hai to khud hi samaj jaoge aur jo important kaam hai usse pehle karoge. Toh observe karo apne man ko. Dekho is waqt tumhare liye kya important hai, wo karo.

4. Jab zaruri ho tab na kehna seekhlo:
Aap koi zaruri kaam kar rahe hai aur aapka dost aapse aake kehta hai ki chal movie dekhne chalte ya koi kehta hai chal mall me ghoom kar aate hai to aap kya karte hai? Uski baat maan lete hai ya phir usse pyaar se mana kar dete hai. Dekhiye zaruri kaam aapko pehle khatam karna hai. Toh bhaiya apne dost ko samjhaaiye ki aap kuch zaruri kaam kar rahe hai aur uske saath filhal nahi aa sakte baadme kabhi jayenge.

5. Kuch kaam ek baar me karne ke try karo:
Kuch kaam jo ek baar me ho sakte hai usse ek baar mein hi karne ki koshish karo. Jaise ki aapko baazaar se kuch laana hai toh baar baar jaane ke badle ek baar me hi saare saamaan yaad karke laaiye.

6. Schedule banao aur use follow karo:
Schedule shuru shuru mein josh me ham bana lete hai par usse follow kuch hi din karte hai. Pehle toh josh josh mein schedule hectic mat banao, jo possible hai karna uske mutabik hi banao. Kyuki jab phir usme se ek bhi cheez idhar udhar ho jaati hai na toh hamara man karta hai ki ab toh schedule kharab ho gaya ab apne man ki karo. Aisa hota hai kai baar. Isliye pehle apne mind ko clear karo phir schedule banao ho sake toh schedule me zyaada time do har cheez ko. Buffer time kehte hai na, extra time. wo do kyuki kuch dikkat aa sakti hai kuch kaamo mein.

To mitro blog aur video acchi lagi to like karo aur share zarur karna sabke saath. Aur susbcribe kar lia hai na.

Add a Comment

Your email address will not be published. Required fields are marked *