B.Sc IT aur B.Sc Computer Science mein difference kya hai? by Vicky Shetty


Aaj baat karenge ki BSc IT aur BSc Computer Science mein kya difference hai aur kis student ko kaunsa suit karega.

Mitro BSc. IT aur BSc. Computer Science mein kaafi students confuse ho jaate hai ki kaunsa choose kare. To aaiye mai aaj aapko dono ke basic differences bata deta hu taaki aapko yah decision lene mein aasaani ho.

Kuch topics in dono courses mein similar ho sakti hai jaise programming par institute par bhi depend karta hai ki kitne subjects similar honge. But differences to hai kaafi toh aaiye jaante un differences ke baare mein.

BSc. Computer science mein zyaada focus computing ke mathematical aur theoretical foundations par hota hai aur hardware par bhi. Physics ke kuch topics bhi bataye jayenge isme aapko. Isme aapko hardware aur software, operating systems, aur applications ke design aur development ke baare mein bhi bataya jaata hai.
Isme mathematical algorithms, computer theory ki samaj sikhate hai taaki latest cheezein computer technology mein aap develop kar sake.

BSc. IT mein computer application, database, networks, softwares ityaadi par zyaada focus hota hai. Isme sikhaya jaata hai development, maintenance aur kaise computer systems, software, aur networks ka istamaal karna hai data ke processing aur distribution ke liye. IT professionals in computer programs ko business ke problems solve karne ke liye istamaal kar sakte hai.

B.Sc Comp science research aur academic field ke liye zyaada suitable hai. Halanki B.Sc Computer Science ke baad IT industry mein bhi kaafi job profiles aap paa sakte hai. Lekin agar aap research mein jaana chahte ho ya phir teaching field mein jaana chahte ho to yah zyaada suitable hoga aapko.

BSc. IT IT industry ke kuch job profiles ke liye zyaada suitable rahega. Kyuki kaafi IT profiles mein aapko client ko explain karna hota hai ki kaise aap technology ki koi issue solve karoge ya business mein new technology implement karoge.

Short mein kahun toh agar aap Computer Science ke fundamentals mein zyaada interested hai aur software, computing systems ya hardware design karna chahte ho toh BSc Computer Science zyaada accha rahega aur agar aap computers aur softwares ka istamaal karke usse implement karke business problems ko solve karne mein interested ho to B.Sc IT aapke liye zyaada accha rahega. Par decide karne se pehle analyze kijiye kuch aur baaton ko bhi.
Jaise:
Dono mein se kaunse course ke subjects aapko zyaada pasand aate hai.
Dono mein job profiles kaunse available hai aur aapko kaunsa job profile chahiye.
Dono mein se kaunse course ke liye aapko acche college mein admission mil raha hai.

Dono mein bhi job opportunities available hai kaafi computers ke field mein. kaafi aise job profiles hai jo in dono courses ke graduates paa sakte hai.
Toh sochiye in baaton ke baare mein phir decision lijiye. Aur dono hi courses ke upar maine kaafi videos banaye hue hai jisme maine unke subjects, job profiles aur bahut saare aur details bataye hue hai. Description mein hai wo links.

To doston blog aur video acchi lagi to like karo aur share zarur karna sabke saath. Aur subscribe kar lia hai na?


Tags:

Add a Comment

Your email address will not be published. Required fields are marked *