Namaskar mitro mai hu Vicky aur haal kaisa hai aapka? Ham mein se zyaadatar logon ko animation mein career banaane mein kaafi interest hota hai. Par iski sahi jaankari nahi hoti hai.
Aaj ham jaanenge ki 10th, 12th aur graduation ke baad animation se related konse courses available hai India mein. Kya career prospects aur job opportunities hai? Agar aapko Animation aur Multimedia ke field mein career banaane mein thoda bhi interest hai toh yeh article poora padhiye taaki koi zaruri jaankari miss na ho jaye.
Mitron waise animations kai tarah ke hote hai. Animator ke roop mein aap 2D hand drawing, 2D ya 3D Computer generated, model animation jaise techniques use karke animation sequences bana sakte hai.
Aaj ke yug mein kuch softwares ke zariye 2D aur 3D animation banaye jaa sakte hai. Ek aadh software free bhi hai. Is field ko CGI bhi kehte hai. CGI yaani Computer Generated Imagery.
Mitron hum life mein alag alag roop mein animation dekhte hai. Jaie movies, animated movies, cartoons, Ad films, TV, internet ityadi par.
Waise doston dekh lete hai ki kya skills chahiye hote hai is field mein career banaane ke liye. Jo profile aap chahte ho uske anusaar inme se kuch skills hone chahiye aapke paas.
1. Creative hona chahiye aapko
2. Acchi Drawing ya sketching skills
3. Character ko banaane ka kaushal hona chahiye
4. Computer aur Software ki acchi samaj
5. Acchi observation skills aur baariki se dekhne ka kaushal hona chahiye
Courses konse hai? Waise broadly dekha jaye to 4 tarah ke courses hai
Bachelor’s Degree courses
Masters degree courses
Waise zyaada colleges toh degree courses provide nahi karti hai kuch hi colleges provide karti hai. Ek nazar daal lete hai bachelor degree courses par
B.Sc. in Animation and VFX
B.Sc. in Animation and Gaming
B.Sc. in Animation & Multimedia
BA in Animation & Multimedia
Bachelor of Visual Arts (Animation)
Bachelor of Fine Arts in Animation, Graphics and Web Design
BA in Animation and CG Arts
BA in Animation and Graphic Design
BA in Digital Filmmaking and Animation
Normally to 3 saal ke hote hai yah bachelors degree courses
Eligibility kya hai in courses ke liye:
10+2 pass kia hona chahiye aapne aur most of the colleges teeno streams Science, Commerce ya Arts ke students ko accept karti hai.
Kuch colleges minimum 50% marks ki requirement rakh sakti hai 12th mein.
Dusra option hai DIPLOMA COURSES:
Kuch diploma courses dekh lete hai-
Diploma in CG Animation
Diploma in Animation and Filmmaking
Diploma in VFX
Diploma in 2D Animation or 3D Animation
Diploma in Digital Animation
Diploma in Animation and VFX
Diploma in Animation, Video Editing and Post Production works
Normally toh yah 1 saal ke hote hai but kuch institutes 6 months ke bhi diploma courses offer karti hai.
Eligibility: Kuch institutes 12th paas accept karti hai kisi bhi stream se aur kuch 10th pass accept karti hai.
teesra option hai CERTIFICATE COURSES
Certificate in CG Arts
Certificate in VFX
Certificate in 2D Animation
Certificate in 3D Animation
Certificate in Editing, Mixing and Post Production Works
Yah kaafi short term courses hote hai 3-6 mahine ke. Iski eligibility normally 10th pass hoti hai
Choutha hai Masters degree courses:
Mitron kuch post graduate courses bhi available hai jaise M.Sc. in Animation and Multimedia, M.Sc. in Animation and Digital Filmmaking, M.Sc. in Visual Effects, MA in Animation and Multimedia, PG Diploma in Animation ityadi.
Aur iski eligibility yeh hai ki aapke paas bachelors degree honi chahiye.
Ab jaan lete hai ki career opportunities kya kya hai is field mein:
Bharat mein acche skilled aur creative animation professionals ki demand kaafi hai. Film production, animation companies, studios ityadi mein in professionals ki bahut zarurat rehti hai jo apni creative abilities se kisi project ko successful banane mein help kar sakte hai.
Kuch job profiles jo aap paa sakte hai wo hai:
Employment areas jo hai wo hai:
Computer and Mobile Game Developers
Film Production Houses
Post Production Houses
E Commerce sites
Salary waise kaafi cheezon par depend karti hai jaise aapke skills, profile, company, aapki institute. Waise normally starting salary ho sakti hai around Rs. 10,000-25,000 per month par jaise jaise aapka experience badhega aap kaafi acchi amount bhi kama sakte hai.
To mitro video acchi lagi to like karo aur share zarur karna sabke saath. Aur subscribe kar lia hai na?
Namaste Mai hu Vicky Shetty, aapka adviser. Mujhe 12 saal ka tajurba hai IT aur Marketing Industry me. Career Code Hindi ke madhyam se mai aapke career me aapko sahi guidance pradaan karna chahta hu.
I am Vicky Shetty, a career adviser. I have an overall experience of around 12 years in IT and Marketing industry. Through Career Code Hindi I would like to share my experience with you and provide you proper guidance.